30
Oct

Երևանը Կեանք է, Երեւանը սէր է…Երեւանի Աւետիսեան Դպրոցը Նշեց Երեւանի 2800-ամեակը

Ահա արքան Արգիշտի, ահա արքայամայրն՝ իր իմաստուն խորհուրդներով, ահա եւ Էրեբունի ամրոցը կառուցելու վճիռը ՝ «ի հզօրութիւն Բիայնա երկրի եւ ի սարսափ թշնամեաց»: Եւ, բնականաբար, եւ անպայման՝ քարէ «վաւերագիր»-ը այդ հրամանի: Բեմին, մեր աչքի առջեւ, կը հիւսուի հայոց չքնաղագեղ ոստանի աւանդավէպ-պատմութիւնը: Կը Հիւսուի երգով, պարով, թատերախաղով, ժամանակագրութեամբ ու երեւանեան անկրկնելի գոյներով: Կը հիւսուի այն անկեղծ սիրով, որ կրնան ունենալ միայն դեռահաս ու պատանի երեխաները:

Մեր իսկ աչքերուն առաջ Երեւանը կարծես կը յառնի դարերու խորքէն, կ’աճի, կը զօրանայ, կը հասնի այսօրուան, եւ անիկա կը կատարուի այնպիսի նրբութեամբ ու սիրով, որ ոչ ոք չի նկատեր՝ ինչպէս այդ ամենայաղթ սէրը բեմէն կը ծորի եւ ափէափ կը լեցնէ դահլիճը. բեմին հանդէս եկողներուն հաւասար կ’երգեն ու կը պարեն նաեւ դահլիճի մէջ նստած երեւանցիները:

Համադպրոցական տօնը աննկատելիօրէն կը վերածուի Երեւանի համաժողովրդական տօնի փոքրիկ մանրակերտի…

«Մեծանաս դարո՜վ, Երեւա՜ն»,- հոգիի խորքէն կը ձայնակցին դահլիճի մեծերն ու փոքրերը:

… Իսկ յետոյ մեր չքնաղ մայրաքաղաքի հանդէպ սէրը Աւետիսեան դպրոցի կամարներէն կը յորդի դուրս եւ կը սփռուի՝ միաձուլուելու հազար-հազարաւոր սրտերէն յորդացած սիրոյ յորձանքին:

Նիւթը՝ Աւետիսեան դպրոցի կայքէն

 

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...