13
Mar

«Յովհաննես Թումանեան-150» Խորագիրով Տօնահանդէս Աւետիսեան Դպրոցէն Ներս (լուսանկարներ)

«Յովհաննէս Թումանեան-150» խորագրի ներքոյ ձեռնարկները Աւետիսեան կրթահամալիրէն ներս կը շարունակուին:

Ռահա եւ ընդամէնը մի քանի դրուագ դպրոցի կազմակերպած թումանեանական չընդհատուող տօնահանդէսէն:

Ահա վերջապէս կը պարզուի Թումանեանի, Պերրոյի ու Անտերսընի հէքիաթներու հերոսներուն խառնաշփոթը, եւ անոնք բոլորը  միասին կը պարեն Անբան Հուռիի եւ Ձախորդ Փանոսի հարսանիքին:

Խաղային եւ համագործակցային ուրախ ցերեկոյթին թումանեանական հանելուկներ էին, հայկական առածներ, խաղ եւ փոքրիկ ներկայացումներ՝ Թումանեանի հէքիաթներէն:

Մէկ այլ դասարան թանկագին «հիւր» ունէր. անիկա նոյն ինքը՝ «Թումանեանն» էր, որ ուշադիր կը լսէր իր հէքիաթներու «փոքրացած» հերոսները եւ իր դատողութիւններով ու մեկնաբանութիւններով կը լրացնէր անոնց ըսածը:

Այստեղ հանդիսատես չկար. մասնակից էին բոլորը՝ ծնող-ուսուցիչ-աշակերտ: Անոնք արտասանեցին ու երգեցին, պարեցին ու բեմականացուցին, իսկ դասի աւարտին «Քառաբաժան»-ով արտայայտեցին իրենց յոյզերը՝ կառուցելով գունեղ սարդոստայն:

Միւս դասարանցիները որոշած էին իրենք պատմել Ամենայն հայոց բանաստեղծի կեանքի եւ գործունէութեան մասին։ Աւարտին փոքրիկ դերասանները բեմադրեցին հատուածներ Թումանեանի հէքիաթներէն։

Իսկ ահա դպրոցի առաջին դասարաններուն մեծ բանաստեղծի կեանքի ու ստեղծագործութիւններու մասին պատմեցին  դասվարները: Յետոյ փոքրիկները արտասանեցին Թումանեանի մանկական  բանաստեղծութիւններէն, դիտեցին «Անբան Հուռին», «Կիկոսը», «Ձախորդ Փանոսը» շարժապատկերները:

Յովհ. Թումանեանի ծննդեան 150-ամեակին նուիրուած հերթական գունագեղ ձեռնարկը իրականացուեցաւ չորրորդցիներու միջեւ: Երեք խումբերու աշխոյժ եւ հետաքրքրաշարժ «Հէքիաթախաղէն» յետոյ երեխաներու համատեղ ուժերով լուծուեցաւ հսկայ խաչբառը։

Իսկ աւարտին բոլորը դիտեցին պատանի նկարիչներու աշխատանքներուն ցուցադրութիւնը:

Աւետիսեան դպրոցը կը պատրաստուի Ամենայն հայոց բանաստեղծի հետ նոր հանդիպումներու:

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...