23
Apr

Մարսելի համազգային դպրոցի եւ Փարիզի դպրոցասէր միութեան վարժարանի աշակերտները այցելած են Մայր Աթոռ Սուրբ Էջմիածին

Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոս Գարեգին Բ-ն Ապրիլ 22-ին Մայր Աթոռ Սուրբ Էջմիածնի «Գարեգին Ա» կրթական կեդրոնի մէջ ընդունած է Մարսելի համազգային դպրոցի եւ Փարիզի դպրոցասէր միութեան վարժարանի շուրջ 40 աշակերտներ՝ ուղեկցութեամբ Մայր Աթոռի բարերար տիար Սարգիս Պետոյեանի:

Վեհափառ Հայրապետը գոհունակութիւն յայտնած է ձեւաւորուած գեղեցիկ աւանդոյթի առիթով, որուն շնորհիւ Հայոց ցեղասպանութեան յիշատակի օրերուն Ֆրանսայի մէջ գործող այս երկու հայկական վարժարաններու սաները ամէն տարի կ’այցելեն հայրենիք եւ Մայր Աթոռ Սուրբ Էջմիածին:

Ամենայն Հայոց Կաթողիկոսը աշակերտներու հետ զրուցած է միջազգային հանրութեան կողմէ Հայոց ցեղասպանութեան ճանաչման ու դատապարտման կարեւորութեան մասին՝ աւելցնելով, որ անիկա ոչ միայն ազգային, այլ նաեւ համամարդկային ընդգրկում ունի, քանի որ պայքարի նպատակն է կանխարգիլել նման ոճրագործութիւններու կրկնութիւնը մարդկային կեանքի մէջ:

Գարեգին Բ Հայրապետը յորդորած է աշակերտներուն ջանասիրութեամբ շարունակել ուսումը եւ դառնալ իրենց ժողովուրդի արժանաւոր զաւակներ՝ բարձր պահելով անոր անունն ու պատիւը Ֆրանսայի մէջ:

Աշակերտները ասմունքած են` հաճելի անակնկալ մատուցելով Վեհափառ Հայրապետին:
Ամենայն Հայոց Կաթողիկոսը «Պահպանիչ» աղօթքով օրհնեց ֆրանսահայ աշակերտները եւ ի յիշատակ այցի անոնց խաչեր ընծայած է:

 

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...