02
May

Գամիշլիի Միջնակարգ Վարժարանը Յարգանքի Տուրք Մատուցեց Նահատակներու Յիշատակին

Ապրիլ 26-ին, Գամիշլիի ազգային միջնակարգ վարժարանի աշակերտները իրենց յարգանքի տուրքը մատուցեցին ապրիլեան եղեռնի սրբադասուած նահատակներուն։

Ձեռնարկը, որ տեղի ունեցաւ վարժարանի սրահին մէջ, կազմակերպուած էր տնօրէնութեան ու հայերէնաւանդ ուսուցիչներուն, Գարոլին Յակոբեանի եւ Սագօ Կարապետեանի կողմէ։

Հանդիսավար Եղնար Ազիզեան ներկաները հրաւիրեց մէկ վայրկեան յոտնկայս յարգելու յիշատակը անմահ նահատակներուն։ Սուրիոյ եւ Հայաստանի քայլերգներէն ետք հայերէն բացման խօսք արտասանեցին Մեղրիկ Աւետիսեան եւ Վարագ Յակոբեան, իսկ արաբերէն՝ Նարեկ Շահինեան։ Անոնք ներկայացուցին Մեծ Եղեռնի ժամանակագրութիւնը, կանխամտածուած ծրագիրին հեղինակները եւ մեր ժողովուրդին պահանջատիրական շարունակական երթը։
Պարոյր Սեւակի «Անլռելի Զանգակատուն»էն հատուածներ ասմունքեցին Գօգօ Շիրիքճեան, Աննա Մարիա Նաճար, Յովսէփ Յովհաննէսեան եւ Եղնար Ազիզեան։
Յաջորդաբար մեներգներով հանդէս եկան Տեսիլ Յարութիւնեան, Մարիթա Սիմոնեան եւ Վարդի Պետրոսեան, երգեհոնի ընկերակցութեամբ Սեպուհ Սարգիսեանի։
Պարոյր Սեւակի «Մենք Քիչ Ենք» քերթուածը ասմունքեցին Նարօտ Յովհաննէսեան եւ Արեգ Պետրոսեան, իսկ անգլերէնի թարգմանուածը կատարեցին Մարտիկ Կարապետեան եւ Յակոբ Խաչատուրեան։
Արաբերէն համադրուած բանաստեղծութիւններ ասմունքեցին Հերա Պետրոսեան, Քրիստ Կարապետեան եւ Քրիստեան Սերոբ։
Անդրանիկ Ծառուկեանի «Մանկութիւն Չունեցող Մարդիկ»-էն  հատուած մը թատերական ներկայացումով մեկնաբանեցին՝ Կարէն Սարգիսեան, Աբիկ Փափազեան, Նարեկ Շահինեան, Ներսիկ Պարսումեան, Տեսիլ Յարութիւնեան եւ Մարտիկ Կարապետեան։
Ապրիլեան եղեռնի նուիրուած ասմունքներով հանդէս եկան Վարուժ Յովսէփեան, Սագօ Ասատուր, Յակոբ Ազատեան, Ալիք Մովսէսեան եւ Միլինա Մուրատեան։
Այնուհետեւ շրջանաւարտ եւ ներկայիս Դամասկոսի պետական համալսարանի բժշկական բաժինի ուսանող Մարիա Սիմոնեան իր սրտի խօսքը արտասանեց։
Օրուան եզրափակիչ պատգամը տուաւ վարժարանի տնօրէն Կարպիս Շիրիքճեան, որ բարձրօրէն գնահատեց ուսուցիչներուն աշխատանքը եւ աշակերտները՝ անոնց մաղթելով փայլուն ապագայ, որպէսզի ջահակիրները դառնան ազգային մեր պայքարին ու հաւատարիմ մնան նահատակներու կտակին։

 

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...