29
Oct

Մօտ Ապագայի Լուրջ Գրողը

Հոկտեմբեր 28-ին, Երեւանի մէջ, տեղի ունեցաւ 13-ամեայ Ժասմին Հայրապետեանի «Հրաշագործ Նռանէ» վիպակի շնորհանդէսը:

Վիպակը արեւմտահայերէնի վերածելու նախաձեռնութիւնը ՀԱՅԿԱՇԽԱՐՀ արեւմտահայերէն մանկապատանեկան կայքինն է։

Ժասմինի հեղինակած գիրքը շնորհաւորելու եկած էին յայտնի մտաւորականներ։

Ժասմին Հայրապետեանը այսպէս բնութագրեց իր գիրքը,-«Հերոսուհին հայուհի է, 16 տարեկան Նռանէն եւ ան  գերհզօր է: Անոր կերպարով փորձած եմ ցոյց տալ, որ  հայ կինը, հայ աղջիկը  կրնայ ըլլալ ուժեղ, որ ան տարիներ, դարեր շարունակ իր ամուսինի, տղու հետ կողք- կողքի պայքարած է  հայրենիքի համար:

«Ես ծնունդով Արցախէն եմ, պապիկս, հայրս եւս մասնակցած են Արցախեան գոյապայքարին, ես գիտեմ, որ տատիկս, մայրիկս տարիներով  ապրած են նկուղներու մէջ, ռմբակոծութեան տակ, բայց չեն լքած իրենց տունն ու  երկիրը: Ես գիտեմ, որ հարիւրաւոր   հայուհիներ  պայքարած են կռուի դաշտի մէջ:

«Նռանէն եւս այդպիսին է, ան ունի  Հայաստանը չարիքէն փրկելու առաքելութիւն եւ  այդ բոլորը կ’ընէ հայկական խորրդանիշներով: Ինչո՞ւ հայկական, որովհետեւ գրելու ժամանակ ցանկութիւն ունէի, որ  մեր հայկական  հոգեւոր զէնքերու մասին իմանան նաեւ Հայաստանէն դուրս ապրող մարդիկ, օտարերկրացիները»,- ըսաւ  ժասմինը:

Գրականագէտ Սերժ Սրապիոնեան իր գոհունակութիւնը յայտնեց նման վիպակ կարդալու համար,- «այս աղջնակը օժտուած է շատ կարեւոր յատկանիշներով, որոնց մասին ժամանակին նշած է նաեւ Թումանեան։ Ան գրողի համար երկու բան կարեւոր կը համարէ՝ երեւակայութիւնը եւ ոգեւորութիւնը, որոնք սահման չունին Ժասմինի մօտ։ Վիպակը հայ հոգեբանութեան հէքիաթ է, չարի ու բարիի յաւերժական պայքարը, իսկ հեղինակը բնատուր կը տիրապետէ խորհրդանիշներու աշխարհին, ան ստեղծած է իւրայատուկ խորհրդանիշներ, որոնցմէ մէկը նուռն է, 12 տարեկան աղջնակի համար զարմանալի’ կերպով հայրենասիրական թաքուն երանգ կը ներմուծուի վիպակին մէջ.  Սամուէլի Մասիս սար բարձրանալը, չարի զինք խանգարելը, բարիի յաղթանակը, եռագոյն դրօշի հանգրուանելը Արարատի գագաթին, կը վկայէ, որ այս աղջնակի հոգեկան աշխարհին մէջ  իր երկրի ճակատագրի համար պայքարող յստակ գիտակցութիւն կայ» ըսաւ Ս. Սրապիոնեան աւելցնելով,- «իսկապէս գրական աշխարհ կը մտնէ խոստմնալից գրիչ, խոստմնալից մտածող, եւ եթէ ան իրեն ի վերուստ տրուած ձիրքերը՝ երեւակայութիւնն ու ոգեւորութիւնը, նուիրումի հետ կիրառէ, կը կարծեմ որ շատ մօտ ապագային մենք պիտի խօսինք շատ լուրջ գրող ունենալու մասին»։

Գիրքը արեւմտահայերէնի վերածող, ՀԱՅԿԱՇԽԱՐՀ կայքի հիմնադիր Նայիրի Մկրտիչեան ծրագիրը համարեց բարի, որովհետեւ անոր մէջ ներդրում ունեցողները երեխաներն են՝ հեղինակը, թիրախը, մեկենասները գրեթէ բոլորը երեխաներ են։

Նայիրի Մկրտիչեանի կարծիքով այս գիրքը արեւմտահայերէնի վերածելու ցանկութիւն յառաջացաւ, երբ իմացաւ որ հեղինակի ընդամէնը 12-13 տարեկան է, երկրորդը՝ վիպակը գրուած է գրագէտ եւ հետաքրքրական, իսկ ամենակարեւորը այն էր, որ պատանեկան տարիքի համար արեւմտահայերէն նոր գրականութիւն գրեթէ չկայ, իսկ «Հրաշագործ Նռանէ»ն իւրայատուկ է տարբեր առումներով. Ողջունելի է, որ հրաշագործը հերոսուհի է, նաեւ այն որ աննկատ կերպով հայրենասիրութիւն կայ վիպակի մէջ եւ կը մատուցուի շատ նորովի՝ օգտագործելով հայկական հոգեւոր արժէքները, իսկ այս բոլորը շատ կարեւոր է սփիւռքահայ երեխայի համար:

Ժասմինը ՀԱՅԿԱՇԽԱՐՀ-ին յայտնեց, որ իր նախասիրած գիրքը «Հարի Փոթըր»ն է, ան պատմեց նաեւ, թէ ինչպէս սկսաւ գրել այս գիրքը,-«երբ 12 տարեկան էր եւ ամառ, ձանձրացայ, մայրիկիս հարցուցի ի՞նչ ընեմ, ըսաւ գրիչը առ ու գրէ, ես ալ գրիչը առի ու սկսայ գրել այս հէքիաթը, որ կամաց կամաց զարգացաւ ու դարձաւ վիպակ»։

Ժասմինը խոստացաւ նաեւ, որ մօտ ապագային կը սկսի գրել «Հրաշագործ Նռանէ»ի երկրորդ հատորը»։

Այնպէս որ մօտ ապագային պիտի ունենանք շատ լուրջ գրող մը։

ՀԱՅԿԱՇԽԱՐՀ-ը շնորհակալութիւն կը յայտնէ բոլոր անոնց, որոնք իրենց ներդրումը ունեցան «Հրաշագործ Նռանէ» գիրքը լոյս աշխարհ գալու գործին մէջ

Խմբագիրներ՝

Նարինէ Տումանեան

Թամար Հէրկելեան

Խորհրդատու՝

Արեգի Տաղլեան

Մեկենասներ՝

Պոսթոնի Ս. Ստեփանոս վարժարան

Պոսթոնի Հայկական Անկախ Ձայնասփիւռ

Բժշ. Յակոբ Այնթապեան

Տիկին Եւգինէ Զարիֆեան-Ղարիպեան

Վարագ Տէր Յակոբեան

Փաթիլ Թասլաքեան

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...