Լիբանանի Եղիշէ Մանուկեան Քոլէճի Նախաձեռնութիւնը՝ Ի նպաստ Արցախի

Եղիշէ Մանուկեան քոլէճի մեծ ընտանիքը ապրեցաւ հոգեպարար և նոյն ատեն յուզիչ ժամեր:

Արդարև մեր սիրելի ծնողներն ու աշակերտները ,ընդառաջելով տնօրէնութեան առաջարկին ինքնաշարժներով դպրոց ներկայացան

և իրենց սրտաբուխ նուիրատուութիւնը կատարեցին Արցախի զինուորին օգնելու:

Անոնք իրենց ինքնաշարժները զարդարած էին Հայաստանի և Արցախի դրօշակներով:

Աշակերտները վստահութեամբ յայտարարեցին, որ անպայման պիտի յաղթենք:

Յուզիչ էր մանաւանդ փոքրիկ տղու մը վարմունքը` ան ստիպած էր ծնողքը, որ իբր նուէր գնեն զինուորական մոյկ մը ,

որպէսզի ղրկուի Արցախ և հայ զինուորի մը ոտքը պաշտպանէ…

Աստուած լսէ մեր անմեղ փոքրիկներուն բերնէն հնչած յաղթելու մաղթանքները

և փրկէ մեր սիրելի հայրենակիցները և Արցախը անարգ թշնամիին ոճիրներէն:

Յուսանք մեր յաջորդ հանդիպումը նուիրուած ըլլայ մեր քաջարի զինուորներուն յաղթանակին:

Այս նուիրահաւաքէն գոյացաւ 6,529,000լ.ո.եւ 110$: