Ահեղ Ժապաւէնը Մաս4. Հեղինակ Ժասմին Հայրապետեան  12 տարեկան

Ազդանշանէն ետք  չարագործները  նստեցան իրենց չարագնացն ու  ճամբայ իյնկան :

Իսկ այդ ժամանակ քաղաքի փոքրիկ, նեղլիկ փողոցներէն մէկուն մէջ բարութեան բուրմունք կար: Փողոցի մէջ  մի քանի մարդ կար:  Շաքարախտով հիւանդ տատիկը , որ ծանր պայուսակներով տուն կ’երթար, յանկարծ տաքէն նեղուած,  նստեցաւ գետնին եւ թոյլցած կանչեց.

-Օգնեցէք , օգնեցէք , լաւ չեմ:

Փողոցէն անցնող երկու հոգի ձեւացուցին, որ չեն լսած ու չեն նկատած ծեր կնոջ կանչը: Տատիկը փակեց աչքերը եւ ուր որ է պիտի ուշաթափէր, երբ փոքրիկ աղջիկ մը մօտեցաւ տատիկին եւ շփոթած ըսաւ.

-Ես հիմա կ’օգնեմ ձեզ…

Կ’օգնե՛՜մ, կ’օգնե՜մ…՛՛ այս բառը արձագանգեց ամէն տեղ

-Ինծի կտոր մը շաքա՜ր ու ջուր, կը խնդրեմ, -տատիկը հազիւ արտաբերեց բառերը:

Աղջիկը նայեցաւ շուրջը, տեսաւ մօտակայ կրպակը:

-Հիմա կը բերեմ:

Աղջնակը  սկսաւ վազել դէպի կրկապը, երբ յանկարծ յայտնուեցաւ 17 ամեայ, գեղեցիկ սեւ աչքերով,  ուսի վրայ կախարդական գօտի ունեցող չարագործներէն ամենաերիտասարդը՝ Գոդը: Ան մօտեցաւ  աղջնակին եւ ըսաւ.

-Մի անհանգստանար, փոքրիկ աղջիկ: Ան իմ տատիկս է : Ես անոր տուն կը հասցնեմ: Կրնաս երթալ: Շնորհակալ եմ :

-Լաւ, եթէ քու տատիկդ է , ես երթամ: Շնորհակալութեան կարիք չկայ: Զիս այդպէս դաստիարակած են: Անպայման բժշկի կը տանիս:

Գոդը գլխով շարժում ըրաւ ու ինքն իրեն քիթի տակէն ըսաւ.

-Յիմար աղջիկ, դուն  ո՞վ ես, որ կարենաս կանգնիլ չարի դէմ:

Տատիկը արդէն կիսամեռ էր, չէր կրնար շարժիլ: Գոդը քմծիծաղով նայեցաւ տատիկին:

Աղջիկը  գրեթէ հեռացած էր,  երբ յանկարծ  փոթորիկ բարձրացաւ: Պահ մը ամէն ինչ խառնուեցաւ  թանձր փոշիի մէջ: Աղջնակը վախցած կանգ առաւ: Գոդը լարուեցաւ: Փոշին կամաց-կամաց բացուեցաւ ու յայտնուեցաւ Նազիկը.

-Կանգ առ,-պոռալով ըսաւ աղջկան,-կեցի’ր,   տղան կը խաբէ, այս կինը անոր տատիկը չէ:

Աղջնակը  արագօրէն վազեց դէպի կրպակը, ուրկէ պէտք է ջուր ու շաքար առնէր, երբ Գոդը փչեց կրպակի ուղղութեամբ : Անոր շնչառութիւնը նման էր թանձր օդի, որ հասաւ կրպակին եւ վայրկեաններու ընթացքին զայն օդ բարձրացուց:

Նազիկը մերթ կը նայէր մահաքունի մէջ իյնկած տատիկին, մերթ՝ օդ բարձրացած կրպակին, ան  օդ նետեց իր ժապաւէնը:

Ժապաւէնը երկարեցաւ, բաժնուեցաւ մի քանի մասերու, ապա բոլոր մասերը դարձան ծառի արմատներ, փաթթուեցան կրպակին ու սկսան քաշել վար:

Գոդը զարմացած նայեցաւ Նազիկին:

-Դուն չես կրնար յաղթել մեզ, աղջիկ, ապարդիւն փորձեր մի’ ըներ:

-Ո՞վ տեսած է, որ չարը յաղթէ բարին, ո՞վ ես դուն, այ ողորմելի:

-Շատ խնդալիք է, բայց կեանքի մէջ միշտ ալ չարը կը է յաղթէ, գեղեցկուհի:

-Այդ մէկը դեռ կը տեսնենք,-պատասխանեց Նազիկն ու  ճիգ գործադրելով կրպակը իջեցուց   գետին:

Փոքրիկ աղջնակը կրկին վազեց դէպի կրպակը:  Գոդը կատղած դէպի անոր նետեց իր գօտին: Գօտին կապկուեցաւ աղջնակին ու գետին ձգեց: Վախէն, աղջնակը սկսաւ բարձրաձայն լալ:

-Հեռացիր այստեղէն, ահեղ ժապաւէն, այլապէս ես իսկոյն կը սպաննեմ այս պոռացող  աղջնակը եւ մեղաւորը դուն կ’ըլլաս:

Իրավիճակը սրուեցաւ:  Նազիկը կեանքին մէջ առաջին անգամ ըլլալով նման  վիճակի մէջ յայտնուած էր: Մէկ կողմէն մահացող տատիկը, որուն արեան մէջ բարձրացած շաքարի պարունակութիւնը կրնար  իջեցնել ընդամէնը մէկ կտոր շաքարը, միւս կողմէն՝ վախցած աղջնակը:

Նազիկը յանկարծ արձակեց մազերը, որոնք  իրենք իրենց ձգուեցան:Մազերուն մէկ մասը հասաւ կրպակին:

-Մէկ կտոր շաքա՜ր ու պաղպաղա՜կ -պոռաց Նազիկը:

Վաճառողը, որ սարսափահար եղած էր այս ամէնէն,  շաքարի տուփ մը ու պաղպաղակ  դրաւ մազերուն մէջ:

Նազիկը մազերուն  միւս մասով  բռնեցին Գոդի ձեռքերը : Գոդը  կը փորձէր ազատիլ Նազիկի մազերէն, սակայն ապարդիւն: Գեր-Նազիկը  դէպի իրեն քաշեց պաղպաղակը մէկ կտոր խածաւ ու  օդ փչեց դէպի Գոդը: Գոդը տեղւոյն վրայ սառեցաւ:

Փոքրիկ աղջիկը  ազատեցաւ  Գոդի ձեռքերէն, վազեց դէպի տատիկը՝ Նազիկի մազերուն միջէն վերցնելով շաքարի տուփը: Ան  շաքարը դրաւ տատիկի բերնի մէջ եւ քիչ անց տատիկը բացաւ աչքերը:

Նազիկը նայեցաւ շուրջը: Իսկ շուրջը բազմաթիւ մարդիկ հաւաքուած էին եւ զարմացած կը նայէին անոր:

-Նայեցէ՜ք, երկնքին նայեցէք,- յանկարծ մէկը կանչեց ամբոխի միջէն:

Բոլորի հայեացքները ուղղուեցան դէպի վեր, ուր այդ պահուն աներեւակայելի բան կը կատարուէր.  Երկնքի մէջ  բարութեան գոյնզգոյն աստղ փայլատակեց եւ միացաւ միւս աստղերուն:

Երբ մարդիկ կրկին նայեցան վար, Նազիկը արդէն չկար:

-Հրա՜շք է, -կանչեցին մարդիկ ու սկսան ցրուիլ իրենց գործերով:

… Իսկ այդ պահուն Սեւ սենեակի մէջ Բասը….

/շարունակելի/

Արեւմտահայերէնի վերածեց ՀԱՅԿԱՇԽԱՐՀԸ

Մաս 1.

Մաս 2.

Մաս 3

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...