Ապրիլ 24. Ամբողջական Դաս

Թուրքերը Ապրիլ 23-ի գիշեր մեր հարիւրաւոր գրողները ջարդեցին, ժողովուրդն ալ կարաւաններով տարին մինչեւ Սուրիոյ Տէր Զօրի անապատը, մէկ մասը ճամբան անօթութենէն մահացաւ, կամ չարչարանքին չդիմացաւ։ Տէր Զօր հասածներուն մեծ մասն ալ այնտեղ ջարդեցին, ոմանք ալ արաբներու շնորհիւ փրկուեցան, կամ կրօնափոխ եղան։

1915-ին թուրքերը 1.5 միլիոն հայ ջարդեցին եւ Հայոց հողերն ու ունեցուածքը բռնագրաւեցին։

Թուրքերը կ՛ուզէին հայ ժողովուրդը իր ազգութիւնը եւ կրօնը մոռնայ՝ թուրք դառնայ, ոչնչանայ, մէկ հոգի մնայ եւ անոր ալ թանգարանի մէջ դնեն։

Բայց կարեւորը թուրքը իր նպատակին չհասաւ, մեր հաւատքը մեզ փրկեց եւ մենք ոչ միայն ապրեցանք, այլ շատ մը խելացի հայեր օգտակար դարձան մարդկութեան, տարբեր՝ բաներ ստեղծելով։

Այո՛, թուրքը հիմա ալ կը փորձէ ոչնչացնել մեզ:

Սակայն մենք չենք ձգեր, մեր հաւատքը միշտ պիտի փրկէ մեզ, մենք ալ միշտ հայ պիտի մնանք եւ պայքարինք մեր հայրենիքի համար։

ԱՊՐԻԼ 24

Օր խոնարհումի, սուրբ յիշատակին՝

Մեր նահատակներուն 1,5 միլիոն։

Կոչ` սուրբ պայքարի, արդար հատուցման՝

Գրաւեալ հողերու մեր պապենական։

Ապրիլ 24

Ուխտի օր՝ մեր մայրենին պահելու,

Միշտ հայ մնալու եւ արարելու

Օր հաւատարմութեան` մեր ազգին հողին,

Մեր Եռագոյնին եւ սուրբ հաւատքին։

Հայաստանի մէջ բոլորը Ծիծեռնակաբերդ կ՛երթան, մենք ալ եկեղեցի կ՛երթանք եւ կ՛աղօթենք մեր նահատակներու յիշատակին համար, իսկ յուշարձանին քով ծաղիկներ կը դնենք։

Միշտ պիտի յիշենք եւ պահանջենք։

-Բառեր-

Կարաւան=անապատի մէջ ուղեւորներու խումբ

Կրօնափոխ ըլլալ=կրօնքը փոխել

Բռնագրաւել= բռնի ուժով առնել

Հատուցում= Վնասի փոխարինում, վնասածը տալ

Արարել=ստեղծել

Ոչնչացնել=ջնջել

Հաւատարիմ=չդաւաճանող

Ծիծեռնակաբերդ= Երեւանի մէջ գտնուող, Հայոց Ցեղասպանութեան յիշատակին նուիրուած յուշարձան

ԽԱՂ ԽՃԱՆԿԱՐ

Կազմեցէք Ապրիլ 24-ի խճանկարը

Խճանկար-խաղ. Կազմեցէք «Ապրիլ 24»-ի լուսանկարը

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...