Արա Գեղեցիկ Ամբողջական դաս

Արամ Նահապետին մահէն ետք, անոր յաջորդեց իր որդին՝ Արան: Արան այնքան գեղեցիկ էր, որ զինք կոչեցին Արա Գեղեցիկ:

Ան գեղեցիկ էր թէ՛ դէմքով, թէ՛ մարմնով, թէ՛ հոգիով, այսինքն՝ բարի էր ու ազնիւ:

Արա Գեղեցիկ ամուսնացած էր Նուարդ իշխանուհիին հետ: Նուարդն ալ շատ բարի էր ու գեղեցիկ։

Այն ատեն Ասորեստանի մէջ կ՛ապրէր շատ չար ու նախանձոտ թագուհի մը: Անունն էր Շամիրամ:

Շամիրամ թագուհին լսեց Արայի գեղեցկութեան մասին եւ ուզեց ամուսնանալ անոր հետ:

Լուր ղրկեց Արա Գեղեցիկին եւ ըսաւ.- Ո՛վ Արա, եկո՛ւր եւ ամուսնացիր ինծի հետ եւ եղիր թագաւորը թէ՛ Ասորեստանի, թէ՛ Հայաստանի:

Արա Գեղեցիկ բարկացաւ եւ պատասխանեց. – Ես ամուսնացած եմ Նուարդին հետ. Չեմ թողուր իմ բարի կինս:

Շամիրամ թագուհին շատ բարկացաւ, եւ կռուի գնաց Արայի դէմ: Կռիւէն առաջ Շամիրամ ըսաւ իր զինուորներուն,

– Սպաննեցէ՛ք բոլոր հայ զինուորները, բայց ողջ-ողջ բռնեցէ՛ք Արա Գեղեցիկը եւ ինծի բերէք:

Արան ալ առաւ իր զինուորները եւ դէմ ելաւ Շամիրամին: Սաստիկ կռիւ մը եղաւ:

Հայ զինուորները քաջաբար կռուեցան, Շամիրամի զինուորները առանց գիտնալու սպաննեցին Արան:

Երբ հայ զինուորները տեսան, որ սպաննուեցաւ իրենց գեղեցիկ իշխանը, շատ տխրեցան եւ քաշուեցան լեռները:

Պատերազմի դաշտը Արայի անունով կոչուեցաւ Այրարատ:

Կռիւէն ետք Շամիրամ թագուհին հարցուց իր զինուորներուն. – Ո՞ւր է Արան:

– Մենք չտեսանք զայն,- պատասխանեցին զինուորները:

Շամիրամ թագուհին մարդ ղրկեց պատերազմի դաշտը, որպէսզի փնտռեն Արայի մարմինը: Գտան ու բերին Արայի մարմինը։

Շամիրամ շատ լացաւ Արա Գեղեցիկի մարմնին վրայ եւ հրամայեց, որ պալատին տանիքը դնեն մարմինը,

որպէսզի Յարալէզ աստուածները գան եւ լիզեն Արային վէրքերը եւ ողջնցնեն զայն: Բայց Արա Գեղեցիկ չողջնցաւ:

Ան մեռաւ, որովհետեւ չուզեց ամուսնանալ ուրիշի հետ: Ան բարի, ազնիւ եւ հայրենասէր իշխան մըն էր:

Եկէք Պատասխանենք

–Ինչպիսի՞ իշխան մըն էր Արան։

Արա գեղեցիկ էր դէմքով, մարմնով եւ հոգիով:

Արա   բարի, ազնիւ ու հայրենասէր իշխան մըն էր:

–Արա որո՞ւն հետ ամուսնացած էր։

Արա Գեղեցիկ ամուսնացած էր Նուարդ իշխանուհիին հետ:

Նուարդն ալ շատ բարի էր ու գեղեցիկ։

–Ո՞վ էր Շամիրամ։

Շամիրամ  Ասորեստանի շատ չար ու նախանձոտ թագուհին էր:

–Շամիրամ ի՞նչ ուզեց ընել։

Շամիրամ երբ լսեց Արայի գեղեցկութեան մասին, ուզեց ամուսնանալ անոր հետ:

–Պատմէ՛ կռիւը։

Կռիւէն առաջ Շամիրամ ըսաւ իր զինուորներուն. – Սպաննեցէ՛ք բոլոր հայ զինուորները,

բայց ողջ-ողջ բռնեցէ՛ք Արա Գեղեցիկը եւ ինծի բերէք: Արան ալ առաւ իր զինուորները եւ դէմ ելաւ Շամիրամին:

Սաստիկ կռիւ մը եղաւ: Հայ զինուորները քաջաբար կռուեցան,

Շամիրամի զինուորները առանց գիտնալու սպաննեցին Արան:

-Շամիրամ ի՞նչ հրամայեց եւ ի՞նչ եղաւ

Շամիրամ հրամայեց, որ Արայի մարմինը դնեն պալատին տանիքը, որպէսզի Յարալէզ աստուածները գան լիզեն Արային վէրքերը

եւ վերակենդանացնեն զայն, բայց Արան չարթնցաւ, որովհետեւ չէր ուզեր ամուսնանալ ուրիշի հետ:

Եկէք խաղանք

Խաղ. Կազմեցէք Արա Գեղեցիկի Խճանկարը

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...