Հիւսիսային բեւեռի շրջանին մէջ ցամաք չկայ: Հոն միայն ծփացող սառոյց կայ:
Նոյնիսկ ամրան եղանակին հիւսիսային բեւեռին մէջ օդը ցուրտ է: Ջերմաստիճանը միշտ 0-ի շուրջ կ’ըլլայ:
Հիւսիսային բեւեռի մէջ տարին միայն մէկ անգամ արեւ կը ծագի եւ մէկ անգամ մայրամուտ կ’ըլլայ, որովհետեւ արեւը ամրան միշտ հորիզոնէն բարձր կ’ըլլայ , իսկ ձմրան հորիզոնէն վար:
Հիւսիսային բեւեռը քիչ մը աւելի տաք է, քան հարաւային բեւեռը: Տարբերութիւնը մօտաւորապէս 7 աստիճան է ամրան, իսկ 20 աստիճան ձմրան:
Հիւսիսային բեւեռը ամրան կրնայ ունենալ մինչեւ 24 ժամ անդադար լոյս, իսկ 24 ժամ մթութիւն ձմրան:
Հիւսիսային բեւեռը որեւէ երկրի չի պատկանիր:
Հիւսիսային բեւեռը երկրագունդին հիւսիսային ծայրն է, եւ կը գտնուի Արքթիք ովկիանոսին մէջ:
Երբ մէկու մը կողմնացոյցը հիւսիս ցոյց կու տայ, ան ոչ թէ հիւսիսային բեւեռը կը նշէ, այլ` երկրագունդին մագնիսական բեւեռը:
Դէպի հիւսիսային բեւեռ առաջին հետախուզական արշաւը կատարուած է՝ Նորվեկիացի Ուոլտ Ամունտսընի կողմէն 1921-ին: Ան օդանաւով մը թռած է հիւսիսային բեւեռի վրայ:
Գիտէի՞ր, որ կարելի է գիշեր մը անցընել հիւսիսային բեւեռին մօտ գտնուող շուէտական Էուքասմարուի քաղաքին, սառոյցէ շինուած պանդոկի մը մէջ:
Հակառակ իր անունին` Նորթ Փոլ քաղաքը (հիւսիսային բեւեռ) հիւսիսային բեւեռին մօտ չի գտնուիր: Ան կը գտնուի Ալասքայի մէջ, հիւսիսային բեւեռէն մօտաւորապէս 2735 քմ. հեռու:
Ալասքայի Նոր Փոլ քաղաքին մէջ փողոցներու անուններէն կարելի է յիշել՝ Սանթա Քլոզ Լէյն, Սէյնթ Նիքոլաս Տրայվ եւ Հոլիտէյ Ռոտ: