Նապաստակն ու ոզնին. Կրիմ եղբայրներ

Ամրան առաւօտ մը ոզնին դաշտ ելաւ զբօսնելու: Ան հանդիհեցաւ նապաստակին:

– Բարեւ, նապաստակ եղբայր, ինչպէ՞ս ես,- հարցուց ոզնին:

Իսկ նապաստակը, փոխանակ քաղաքավար բարեւէ, ըսաւ.

– Այսքան կանուխ ի՞նչ ի՞նչ կ’նես դաշտի մէջ, ոզնի’:

– Կը զբօսնիմ:

– Կը զբօսնի՞ս,- զարմացաւ նապաստակը,- կարծեմ այդ ծուռումուռ ոտքերովդ շատ չես զբօսնիր:

– Դուն կը կարծես, որ ինձմէ արա՞գ կը վազես,- հարցուց ոզնին:

– անշուշտ,- ծիծաղեցաւ նապաստակը:

– Փորձենք,- ըսաւ ոզնին:

– Փորձենք,- ծիծաղեցաւ նապաստակը:

– Այստեղ քիչ մը սպասէ, երթամ տուն, նախաճաշեմ, գամ: Լաւ՞:

– Լաւ:

Ոզնին վազեց տուն եւ կնոջը ըսաւ.

– Կնիկ, շուտ հագուստներդ հագիր, պէտք է դաշտ երթանք:

– Ին՞չ կայ որ,- հարցուց կինը:

– Նապաստակի հետ գրաւ եկած եմ, թէ ո՞վ աւելի արագ կը վազէ: Դուն պէտք է ինծի օգնես:

– Խենթացե՞ր ես, ինչ է: Դուն ինչպէ՞ս կրնաս նապաստակէն առաջ անցնիլ:

– Քու գործդ չէ: Ես գիտեմ, թէ ինչ կ’ընեմ:

Կինը հագուստները հագաւ, եւ անոնք դաշտ գնացին: Ճանապարհին ոզնին կնոջը ըսաւ.

– Այս դաշտով պէտք է վազենք: Ես մէկ ակօսով, նապաստակը միւս ակօսով: Դուն մէկ ակօսի ծայրը նստիր, երբ նապատակը վազելով քովդ հասնի, յանկարծ դուրս ել եւ պոռա. «Ես արդէն այստեղ եմ»: Հասկացա՞ր:

– Հասկացայ,- ըսաւ ոզնիի կինը:

Իսկ ոզնին ու իր կինը այնպէս նման էին իրար, ինչպէս ջուրի երկու կաթիլ:

Այդ ժամանակ նապաստակը եկաւ:

– Վազենք,- ըսաւ ան:

– Վազենք:

– Մէ՛կ, երկո’ւ, երէ’ք:

– Վազենք:

Ոզնին մի քանի քայլ վազեց, յետոյ կամաց ետ դարձաւ եւ իր տեղը հանգիստ նստեցաւ: Երբ նապաստակը հասաւ ակօսի ծայրը, յանկարծ ոզնիի կինը դուրս ելաւ ու կանչեց.

– Իսկ ես արդէն այստեղ եմ:

Շատ զարմացաւ նապաստակը, որ ոզնին յաղթեց զինք, եւ բարկացած գոչեց.

– Նորէն վազենք: Մէկ, երկու, երեք,- եւ քամիի նման վազեց:

Երբ որ տեղ հասաւ, յանկարծ ոզնին դուրս ելաւ եւ կանչեց.

– Իսկ ես արդէն այստեղ եմ:

– Նորէն վազենք,- բարկացաւ նապաստակը: Նորէն վազեցին:

Նապաստակը այնքան այս ու այն կողմ վազեց, որ ուժասպառ եղաւ:

– Դուն զիս յաղթէցիր,- ըսաւ նապաստակը եւ գլուխը կախ հեռացաւ:

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...