Փոքրիկ Տղայի Երազանքը

Փոքրիկ տղայ մը իր մայրիկին հետ կ’ապրէր խրճիթի մը մէջ: Մայրիկը շատ կ’աշխատէր, բայց դժուարութեամբ կը հոգար իր եւ տղուն կարիքները:

Տղան շատ կը սիրեր ֆութպոլ  խաղալ: Ան ամէն օր մարզադաշտ կ’երթար եւ հեռուէն կը հետեւէր մարզուող տղաներուն: Ան կ’երազէր մարզուիլ, բայց մարզական կօշիկ չունէր: Օր մըն ալ ան երազ տեսաւ. Իրեն կը մօտենայ իր սիրելի ֆութպոլիստ Հենրիկ Մխիթարեան եւ կը հարցնէ.

-Իսկ դուն կը մարզուի՞ս փոքրի’կ:

-Ոչ, ես չեմ կրնար մարզուիլ, որովհետեւ մարզական կօշիկ չունիմ,-կը պատասխանէ տղան:

-Դուն կ’ունենաս,- կ’ըսէ Մխիթարեան եւ կ’անհետանայ:

Տղան երազը կը պատմէ մայրիկին: Յաջորդ առաւօտ տղան կ’արթննայ եւ կը տեսնէ, որ իր մահճակալի կողքին տուփ մը դրուած է: Տղան արագ կը բանայ տուփը, որուն մէջ իր երազած կօշիկն էր: Ան ուրախ-ուրախ  կը վազէ մայրիկին քով, կը համբուրէ եւ կ’ըսէ.

-Մայրի’կ, շնորհակալ եմ: Այսօրունէ ես կը սկսիմ մարզուիլ: Իսկ հիմա պատրաստուիմ դասի երթալու: Վայ, չուշանամ մայրի’կ, ժամը քանի՞ է:

Մայրը տխուր հայեացքով կը նայի տղուն: Ժամացոյցը անոր թեւին կապուած չէր: Տղան հասկցաւ, որ մայրը զայն վաճառած է, որպէսզի մարզական կօշիկ գնէ իր փոքրիկին…

 

Հեքիաթի հեղինակ՝ Վալերի Ապրեսեան

You are donating to : Greennature Foundation

How much would you like to donate?
$10 $20 $30
Would you like to make regular donations? I would like to make donation(s)
How many times would you like this to recur? (including this payment) *
Name *
Last Name *
Email *
Phone
Address
Additional Note
paypalstripe
Loading...