Շառլ Ազնաւուր. Մարդ որ յաղթեց մահուան

Հոկտեմբեր 1-ին կեանքէն հեռացաւ աշխարհահռչակ ֆրանսահայ երգիչ,  Շառլ Ազնաւուրը։ Աշխարհի բոլոր լրատուամիջոցները կը գրեն անոր մեծութեան ու հայ ըլլալու մասին եւ մեծ ցաւ կապրին՝ սգալով անոր կորուստը։

Ուրեմն Շառլ Ազնաւուրը 94 տարին բլորելով յաթեց մահուան, ան իր ձգած գործերով անմահ է, ոչ միայն հայ ժողովուրդի,այլ ողջ աշխարհի մարդկութեան սրտերուն մէջ։

Շառլ Ազնաւուրը ծնած է 1924 թուականի Մայիս 22-ին Փարիզ, հայ գաղթականներ Միշա եւ Քնար Ազնաւուրեաններու ընտանիքի մէջ, բուն անունն է Շահնուր Վաղինակ Ազնաւուրեան: Ազնաւուրի հայրը ծնած է Ախալցխայի մէջ, արմատներով Էրզրումցի էր, իսկ մայրը՝ Քնար Պաղտասարեանը, Իզմիրէն էր, Հայոց ցեղասպանության ականատես փրկուածներէն: Շառլի հայրը երիտասարդ տարիներուն ապրած էր Թիֆլիս: Յետագային Ֆրանսա տեղափոխուելէ ետք Միշա Ազնաւուրեան երգած է ճաշարաններու մէջ, մինչեւ հիմնեց իր սեփական ճաշարանը «Կովկաս» անունով։

Ազնաւուր Ֆրանսայի մէջ դժուարինն երկար տարիներ ապրելէ ետք, 1956-ին համաշխարհային հռչակ կը ստանայ՝ ելոյթ ունենալով Փարիզի յայտնի համերգասրահներէն մէկուն մէջ, այն ժամանակ ֆրանսական թերթերը կը գրեն՝ «Ֆրանսան ազնաւուրացուած է»։

Ազնաւուրը շուրջ հազար երգի հեղինակ է, ունի բազմաթիւ միջազգային յայտնի երգեր՝ «Մաման», «Բոհեմը», «Դեռ երէկ», «Երիտասարդութիւն», «Պետք է գիտնալ», «Ան», «Երկու կիթառ», «Աւէ Մարիա» եւ այլն։ 

1988 թուականի, սպիտակի աւերիչ երկրաշարժէն անմիջապէս ետք, հիմնադրած է «Ազնաւուրը Հայաստանին» բարեգործական հիմնադրամը եւ գրած է «Քեզ համար Հայաստան» երկրաշարժին նուիրուած երգը, զոր կատարած են աշխարհահռչակ երգիչ երգչուհիներ։

Ան Հայաստանի մշտական դեսպանն էր ԵՈՒՆԵՍՔՕ-ի մէջ։ 1964, 1996, 2006 եւ 2014 թուականներուն համերգներ ունեցած է Հայաստանի մէջ։ 

Գիւմրիի մէջ կանգնեցուած է Ազնաւուրի արձանը, անոր անունով կը կոչուի Երեւանի հրապարակներէն մէկը։

Մահացած է 2018 թուականի Հոկտեմբեր 1-ին