27
Feb
«Ձմեռը Ջաւախքի Մէջ» Խորագիրով Նկարչական Ցուցահանդէս Ջաւախքի Մէջ
Փետրուար 25-ին, Ռաֆայէլ Ջաւախք կրթամշակութային երիտասարդական կեդրոնին մէջ կազմակերպուեցաւ «Ձմեռը Ջաւախքի մէջ» խորագիրով նկարչական աշխատանքներու ցուցահանդէս: Խմբակի ղեկավար Ռուզաննա Սիրականեան՝ երկու ամսուան ընթացքին՝ լուրջ աշխատանք կատարած էր մանուկներու նկարչական մտածողութեան, բնապատկերը նկարի վերածելու, լոյսի եւ ստուերի, գոյներու ճիշդ համադրութիւն ապահովելու համար:
Յաջող աշխատանքներ ներկայացուցած էին Երանուհի Սթամպոլցեանը, Գայիանէ Իրիցեանը, Եղիշէ Ղուկասեանը, Ոսկէհատ Իսպիրեանը, Հայաստան Պալոյեանը, Արթուր Մկրտչեանը, Նարեկ Պոդոսեանը, Ոսկեհատ Գինոսեանը եւ ուրիշներ:
Յաջորդ ցուցահանդէսը պիտի նուիրուի Վրաստանի եւ Հայաստանի առաջին հանրապետութիւններու 100-ամեակին: