21
Mar
Հալէպի Ազգ. Մանկապարտէզի Փոքրիկները Նշեցին Մայրերու Տօնը
Երեքշաթբի, 20 Մարտ 2018-ին, Հալէպի Ազգ. Մանկապարտէզի փոքրիկները իրենց մայրերը հրաւիրեցին դպրոց՝ գեղարուեստական յատուկ յայտագիրով անոնց տօնը շնորհաւորելու համար:
Փոքրիկները, մանկապարտիզպանուհի Նուշիկ Օհանեան-Չաքրեանի եւ Մանկապարտէզի Հոգաբարձութեան ներկայութեան, երգերով, արտասանութիւններով եւ բարի մաղթանքներով հաճելի յայտագիր մը ներկայացուցին՝ մերթ յուզելով, մերթ ուրախացնելով իրենց մայրերը: Անոնք, այս առիթով, իրենց ուսուցչուհիներուն օգնութեամբ, ձեռային աշխատանքով յարդարած էին իրենց ջերմ ընդունարանը՝ մանկապարտէզի ներքնասրահը:
Տօնական մթնոլորտի մէջ իւրաքանչիւր փոքրիկ իր բարի մաղթանքն ու սէրը արտայայտեց իւրովի:
