Նուէր Դպրոցիս. Հրակ եւ Մեղրի Պօղոսեաններ

Քաթարէն՝ Հրակ եւ Մեղրի Պօղոսեանները, երկու տասնեակ «Հրաշագործ Նռանէ» գիրք կը նուիրեն իրենց հօր յաճախած Գամիշլիի Ազգային «Եփրատ» վարժարանի աշակերտներուն։

Նշենք, որ Սեպտեմբեր 1-ին, ՀԱՅԿԱՇԽԱՐՀ-ի նախաձեռնութեամբ, լոյս պիտի տեսնէ 13 ամեայ արցախցի պարմանուհի Ժասմին Հայրապետեանի հեղինակած «Սուպեր Նռանէ» վիպակին արեւմտահայերէն տարբերակը, որ կը կոչուի «Հրաշագործ Նռանէ»։

115 էջնոց  պատկերազարդ  (19 նկար)  այս վիպակի հերոսուհին, 16-ամեայ չքնաղ Նռանէն է, որ օժտուած է գերբնական ուժով եւ կը կը պայքարի չարի դէմ, որպէսզի փրկէ Հայաստանը:

Նռանէի զէնքերը հայկական են՝ ծիրանի կորիզը, նուռը, ծիրանափողը, Արծուագորգը, Նարեկը, տուտուկը, Արարատ լեռը, նուռն ու խաղողը:

Գաղտնիքներ… անսպասելի իրավիճակներ, ցնցող բացայայտումներ, սէր, տառապանք, պարտութիւն ու յաղթանակ….

Դուք քանի տարեկան ալ ըլլաք, մէկ շունչով պիտի կարդաք այս գիրքը եւ հաճոյքով պիտի ներկէք գիրքին ոգեշնչող նկարները։