Մայրենիին Նուիրուած Ձեռնարկ Ֆրանսայի Մէջ
Օրերս, Ֆրանսայի «Փուատուի հայեր»-ը հայկական կազմակերպութեան հայերէնի ուսուցման խմբակի սաներուն մասնակցութեամբ տեղի ունեցաւ ձեռնարկ` նուիրուած Մայրենիի միջազգային տօնին: Ըստ «Հայերն այսօր»-ի, այս մասին կը յայտնեն միութենէն։
Դեռ մէջ շաբաթ առաջ յանձնարարուած էր թեմատիկ աշխատանք` «Մայրենի լեզուն իմ պատկերացմամբ» խորագիրով: Երեխաները ներկայացուցած են իրենց նկարած աշխատանքները. 11-ամեայ Հեղինէն նկարած է կին մը, որուն սրտին մէջ պատկերած է հայոց այբուբենը, 12-ամեայ Էտկարը պատկերած է այբուբենը՝ իր պատրաստած եռագոյն դրօշին վրայ, 10-ամեայ Էրիկը նկարած է այբուբենը` Սիս եւ Մասիս սարերու գագաթին:
Աշխատանքները ամփոփելէ ետք՝ սաները ելոյթ ունեցած են Մայրենիին ձօնուած բանաստեղծութիւններով եւ մէկ անգամ եւս հպարտացած այն փաստով, որ Հայերէնը աղօթքի ու Աստուծոյ հետ խօսելու միակ լեզուն է:
