Մայիս 28-ին Հայաստան կը նշէ Հայաստանի Առաջին Հանրապետութեան օրը:
Մայիսի 26-ին Սարդարապատի մէջ յաղթելով թրքական բանակին, հայկական զօրքերը կրցան կասեցնել թրքական ներխուժումը Անդրկովկաս եւ փրկել Հայաստանը լիակատար ոչնչացումէն:
Հայկական հանրապետութիւնը (Հայաստանի Հանրապետութիւնը) հռչակուեցաւ «Հայկական ազգային խորհուրդի» կողմէն 1918 թուականի Մայիս 28-ին Թիֆլիսի մէջ:
Մայիս 29-ին ՀՅԴ Արեւմտեան եւ Արեւելեան Բիւրոյի նիստը Յովհաննէս Քաջազնունին նշանակեց անկախ Հայաստանի առաջին վարչապետ, մայրաքաղաքը դարձաւ Երեւանը, վերջին վարչապետը Սիմոն Վրացեանն էր: Հայաստանի Հանրապետութիւնը գոյութիւն ունեցաւ ընդամէնը երկու տարի, մինչեւ 1920 թուականի Դեկտեմբեր 2-ին, երբ Երեւան մտան 11-րդ Կարմիր բանակի զօրամասերը եւ հանրապետութիւնը խորհրդայնացուեցաւ:
1991 թուականին Հայկական ԽՍՀ-ն անկախութիւն հռչակեց եւ խորհրդարանը Մայիս 28-ը սահմանեց իբրեւ ոչ աշխատանքային օր:
Սարդարապատի հերոսներուն նուիրուած յուշարձանը կառուցուեցաւ 1968 թուականին: