Արցախը մեր հայրենիքի մէկ մասնիկն է։
Արցախի դրօշակը կարմիր, կապոյտ, նարնջագոյն եւ ճերմակն է։
Արցախի քայլերգը «Ազատ ու անկախ Արցախ»ն է։
Արցախի մայրաքաղաքը Ստեփանակերտն է։
Արցախի միւս շրջաններն են՝
- Շուշի
- Քարվաճառ
- Բերձոր
- Մարտակերտ
- Ասկերան
- Մարտունի
- Հատրութ
Արցախի ամենայայտնի յուշարձաններէն մէկը «Մենք ենք մեր սարեր»ը, կամ «Տատիկ պապիկ»ի արձանն է, որ կը գտնուի Ստեփանակերտի մէջ։
Գանձասար վանական համալիրը կը գտնուի Մարտակերտի մէջ՝ Գանձասար լերան վրայ։
Շուշի բերդը կամ ամրոցը կը գտնուի Շուշի քաղաքին մէջ։
Շուշիի Սուրբ Ամենափրկիչ եկեղեցին, Արցախի կարեւոր հոգեւոր կեդրոններէն մէկն է։
Ամարասի վանական համալիրին մէջ Գրիգոր Լուսաւորիչը 4-րդ դարուն եկեղեցի հիմնած է, իսկ Մեսրոպ Մաշտոցը այնտեղ հիմնած է Արցախի առաջին դպրոցը։
Տիգրանակերտ Բերդ-ամրոցը կը գտնուի Աղտամէն ոչ շատ հեռու, այնտեղ կը գործէ նաեւ պեղուած հնութիւններու թանգարանը։
Չինարի հսկայ ծառը կը գտնուի Վարանդա գաւառին մէջ, ծառը աւելի քան 2033 տարեկան է, բարձրութիւնը 54 մեթր է, ծառի խոռոչին մէջ կը տեղաւորուի մօտ 100 մարդ, ծառը տնկած է Մեծն Տիգրանը՝ Քրիստոսէ առաջ առաջին դարուն։
Բնութեան հրաշալիքներէն մէկը կը գտնուի Հունոտի կիրճին մէջ՝ 250 մեթր բարձրութիւն ունեցող բնական հովանոցը իր ջրվէժներով, քարանձաւներով ու կամուրջներով։
Աւելին՝ տեսանիւթով
