Արմեանսկ քաղաքը կը գտնուի Ղրիմի հիւսիսային մասին մէջ, անիկա կառուցուած է հայերու կողմէն 1730-ական թուականներուն:
Արմէնիա քաղաքը կը գտնուի Քոլոմպիայի մէջ: Անիկա ազգային տնտեսութեան խոշոր կեդրոններէն մէկն է:
Լիթլ Արմենիա՝ Փոքրիկ Հայաստանը, կը գտնուի Լոս Անճելեսի մէջ, այստեղ կ’ապրին մեծ թիւով ամերիկահայեր ՝ որոնք ունին հայկական խանութներ:
Արարատ քաղաքը կը գտնուի Աւստրալիոյ մէջ, կառուցուած է հայերու կողմէն՝ 1857 թուականին: Այստեղ կը գտնուի Գալուստ Կիւլպէնկեանի անուան դպրոցը:
Արմաւիր քաղաքը կը գտնուի Ռուսաստանի Դաշնութեան մէջ: 1848 թուականին, այս բնակավայրը ստացած է Հայաստանի քաղաքներէն մէկուն՝ Արմաւիր անունը:
Կլենտէյլ քաղաքի կեդրոնական Մերիլանտ պողոտայի մէկ հատուածը վերջերս վերանուանուեցաւ Արցախի փողոց։
Սուրբ Ղազար կղզին կը գտնուի Իտալիոյ մէջ: 1717-ին, Վենետիկի մէջ իշխող խորհուրդի կողմէն անիկա տրուած է հայ միաբաններուն,
որոնք կառուցած են վանքը եւ վերանորոգած հին եկեղեցին:
Արմենապոլիսը (Գեռլա) կը գտնուի Ռումանիոյ մէջ:
Արաքս, Արմենիա եւ Մարաշ փողոցներ կը գտնուին Լիբանանի մէջ։
Արժանթինի Քորդովա քաղաքին մէջ Արմենիա Փողոց
Նիու Եորքի Քուինզի փողոցներէն մէկը անուանակոչուած է «Արմենիա փողոց»:
Նիւթը Հայկաշխարհի համար պատրաստեց՝
Նարէ Մուրատեան
Աւելցուած
-Պրազիլի ամենամեծ քաղաք Սաօ Փաոլօի մետրոյի կայանի կից հրապարակը կը կոչուի Փրասա Արմենիա (Հայաստան Հրապարակ), ուր կը կանգնի Հայոց Ցեղասպանութեան նուիրուած կոթողը, շրջապատուած Հայ Առաքելական եւ Հայ Կաթողիկէ զոյգ եկեղեցիներով։
-Պրազիլի Օզասքօ քաղաքի փողոցներէն մէկը կը կոչուի Ռուա Արմենիա ֊Հայաստան փողոց։
-Ռումանիայի մայրաքաղաք՝ Բուխարեստի մէջ, կայ հայկական թաղամաս, strada Armeniski, տեղի հայկական եկեղեցւոյ մէջ կանգնեցուած է զօրավար Անդրանիկի արձանը։
