Որքան բարձր ըլլայ երեխայի երջանկութեան եւբաւարարուած ըլլալու աստիճանը իր կեանքէն, այնքան պայծառ կ՛ըլլայ անոր ապագան եւ լաւ աշխատանք կ՛ունենայ:
Երեխաներու յուզական վիճակը ապագայի երջանկութեան գաղտնիքն է։ Այսինք յաջողակ մարկերտելու համար պէտք է երեխան ապրի երջանիկ մթնոլորտի մէջ եւ անոր դաստիարակութեան համար ստեղծել հանգիստ միջավայր:
Զգացումներու կայունութիւնն ու երջանկութիւնը երիտասարդ տարիքին կը նշանակէ ճիշդ կողմնորոշում դէպի յաջողութիւն: Երջանկութիւնը կուգայ երբ մայր ն ու հայրը իրենց երեխաներուն կ՛ըսեն, որ քրտնաջան աշխատանքով կ’իրականանան երազանքները: Ինքնավստահութիւնը լաւագոյն ազդակն է, աւելի կարեւոր, քան հմտութիւնները, մշակոյթն ու փորձը:
Երեխաները պէտք է իմանան, որ իրենք արժանի են իրենց երջանիկ զգալու եւ կեանքէն ստանալու այն, ինչ կ՛ուզեն: Ատիկա խթան կը հանդիսանայ իրենց նպատակներուն հասնելու համար: Բայց եթէ անոնք չեն հաւատար, որ ընդունակեն իրենց նպատակներուն հասնելու, թերարժէքութեան եւ բացասականութեան զգացումը զիրենք ետ կը մղէ եւ նպատակին հասնելու ձգտումը կը նուազի։
Հոգ տարէք ձեր երեխաներուն, ուրախութիւն պարգեւեցէք անոնց սրտերուն եւ բարձրացուցէք անոնց ինքնավստահութիւնը, որպէսզի յետագային անոնք կարենան հասնիլ իրենց նպատակներուն:
