Չղջիկները կ’անուանեն նաեւ թռչող մուկեր, որովհետեւ այս կնդանիները շատ նման են մուկերու։
Չղջիկները երկրագունդի միակ կաթնասուններն են, որոնք կրնան թռչիլ:
Աշխարհի մէջ յայտնի է չղջիկներու 1100 տեսակ: Հայաստանի մէջ կայ չղջիկներու 28 տեսակ:
Չղջիկը ցերեկը փաթթուելով իր լայն թեւերուն մէջ, գլխիվայր կը կախուի եւ կը մնայ փչակի մէջ,
կամ որեւէ մութ տեղ, իսկ գիշերը կը թռչի որսի: Անաղմուկ կը ճախրի երկնքի մէջ՝ յաճախ
թափահարելով թեւերը:
Չղջիկներ կ’ուտեն մեծ քանակութեամբ միջատներ եւ այդպէս զգալի օգուտ կը բերեն:
Չղջիկները կը կողմնորոշուին անդրաձայնով. Թռչելու ժամանակ մօտակայ առարկաներէն ու
միջատներէն արձակուած ձայնէն կ’որոշէ ինչպէս հետապնդէ միջատը:
Չղջիկներու տեսողութիւնը թոյլ է եւ յարմարեցուած է միայն մթութեան: Սակայն չղջիկները անոր
փոխարէն, շատ լաւ զարգացած լսողութիւն ու հոտառութիւն ունին, ինչը անոնց կ’օգնէ որսալ եւ
կողմնորոշուիլ տարածութեան մէջ:
Չղջիկները ցուրտ եղանակին ձմեռնային քուն կը մտնեն: Անոնք կը բազմանան տարին 1 անգամ,
կ’ունենան 1–2 ձագ: Երկարակեաց են, կ’ապրին մինչեւ 20 տարի: