Մենք կ’ապրինք շնչելով թթուածին, զոր մեզի համար կ’ապահովեն կանաչ բոյսերը: Անոնք
շրջակայ միջավայրէն կը կլանեն ածխաթթու կազ եւ օդ ու կ’արտանետեն թթուածին: Մարդու
գոյութիւնը երկրի վրայ անկարելի է առանց բնութեան, ծառերու ու տարբեր բոյսերու:
Բնութիւնը կ’ապահովէ Երկիր մոլորակի բնակչութեան անհրաժեշտ բոլոր տարրերը: Մարդիկ
հող մշակելով կը ստանան սնունդ, խոտով կը կերակրեն անասունները, որոնցմէ կը ստանան
կաթ, կաթնամթերք ու մսամթերք, տարբեր բոյսերէ օգտակար թուրմեր ու դեղեր կը պատրաստեն,
կ’օգտագործեն թուղթը, զոր կը ստանան փայտէն:
Բնութեան բարիքները ինչպէս երկրի մակերեւոյթի վրայ են, այնպէս ալ ընդերքի մէջ՝ գետնի տակ:
Բազմաթիւ հանքավայրեր շահագործելով մարդիկ կը ստանան օգտակար հանածոներ ու կեանքի
գրեթէ բոլոր բնագաւառներուն անհրաժեշտ վառելիք:
Բնութիւնը մարդկութեան տուած է ապրելու ու գործելու անսահման հնարաւորութիւններ, բայց
մարդիկ կը մոռնան, որ պէտք է պահպանել բնութիւնը, որպէսզի ան յետագային ալ կարենայ ծառայել
մարդոց:
Պէտք է մաքուր պահել բնութիւնը՝ կանաչ տարածքներն ու ջուրերը, պէտք չէ կտրել ծառերը:
Բնութիւնը մարդու կենսական ուժանիւթի անփոխարինելի աղբիւրն է: