Երկիրն ու Լուսինը շարժելով տիեզերքի մէջ, երբեմն կը յայտնուին դէմ դիմաց եւ կը ծածկեն
Արեգակի լոյսը: Այս երեւոյթը կը կոչուի` խաւարում:
Խաւարումները երկու տեսակ են՝ Լուսնի եւ Արեգակի:
-Երբ Երկիրը կ’անցնի Արեգակի ու Լուսնի մէջտեղէն, եւ Լուսինը կը շարժի դէպի Երկրի ստուերը,
տեղի կ’ունենայ Լուսնի խաւարում:
Սովորաբար, անիկա տեղի կ’ունենայ տարին մէկ անգամ:
Այս երեւոյթը կրնանք դիտել, եթէ կը գտնուինք Երկրի մութ կողմը:
–Արեգակի խաւարում՝ կ’ըլլայ երբ Լուսինը կ’անցնի Արեգակի եւ Երկիր մոլորակի մէջտեղէն՝
մասամբ կամ ամբողջութեամբ ծածկելով արեգակի սկաւառակը երկրային դիտորդի համար։
Կախուած մեր մոլորակի նկատմամբ իր դիրքէն եւ երկրէն ունեցած հեռաւորութենէն՝ Լուսինը
կրնայ ծածկել Արեգակը ամբողջութեամբ կամ միայն մէկ մասը: Արեգակի ամբողջական
խաւարում տեղի կ’ունենայ այն ժամանակ, երբ Լուսինը ամբողջութեամբ կը փակէ Արեգակի
սկաւառակը: Անիկա կը տեւէ մինչեւ 7,5 վայրկեան:
Սովորաբար երեւոյթը կը դիտուի 2-3 տարին մէկ անգամ:
Արեգակի խաւարումը դիտելը անզէն աչքով վնասակար է, քանի որ Արեգակի ճառագայթները
շատ հզօր են եւ կրնան կուրացնել:
Նիւթը Հայկաշխարհի համար պատրաստեց՝
Նարէ Մուրատեան
