Մայրութիւնը ` ձեր երեխային հետ վերաբերմունքն է եւ անոր անհատականութիւնը սերտօրէն
ճանչնալը: Մայրութիւնը կերակուր պատրաստել եւ տուն դասաւորել չէ: Դուք պէտք է ձեր
երեխաներուն ուսուցանէք հիմնական ընկերային արժէքներ, որպէսզի անոնք կարենան աշխարհ
մտնել զօրաւոր, ընկերային եւ բարի անձնաւորութիւններով:
Խորհուրդներ.
Երեխաները յաճախ կը տառապին անհանգստացնող մղձաւանջներէ: Եւ ատկէ խուսափելու լաւագոյն
միջոցներէն մէկը երեխաներուն ստիպելն է մտածել այնպիսի հաճելի բաներու մասին, ինչպիսիք են
իրենց սիրած պաղպաղակը ուտելը կամ իրենց սիրած խաղալիքներուն հետ խաղալը: Առաջարկեցէք հաճելի
բան մը, որ անոնց երջանկութիւն կը բերէ, եւ մի վախցնէք ձեր երեխաները չարի ու պատիժի
խորհրդանիշներով, եւ միայն այդ ժամանակ անոնք ամբողջ գիշեր հանգիստ կը քնանան:
Երեխաները կ՛ատեն տնային աշխատանք կատարելը, երբ վերադառնան տուն: Տնային
առաջադրանքները խրախուսելու լաւագոյն միջոցը ճաշէն անմիջապէս յետոյ անոնց հետ նստիլն է
եւ օգնել անոնց կատարել աշխատանքը: Անկէ ետք միայն անոնց թոյլ տուէք խաղալ:
Հասկցէք անոնց զգացումները. երեխաները երբեմն կ՛ունենան դժուար ժամանակներ եւ չեն գիտեր,
թէ ինչպէս կրնան արտայայտել զայն: Դուք պէտք է խրախուսէք անոնց խօսիլը՝ գեղեցիկ նիստ մը կազմակերպելով, օրինակ ` բաժակ մը թէյ կամ հիւթ խմել եւ խօսիլ ընդհանուր հարցերու շուրջ:
Խնդրեցէք օգնութիւն. Բոլոր մայրերը ժամանակ առ ժամանակ օգնութեան կարիքը ունին: Ձեր
երեխայէն օգնութիւն խնդրեցէք ուտելիք պատրաստելու, հագուստներ դասաւորելու եւ խաղեր
տեսակաւորելու հարցով: Գովաբանեցէք անոր լաւ պահուածքը, եւ այդ ժամանակ ան կը զգայ անոր կարեւորութիւնը: Միասին ընտանեկան ընթրիքը. ընտանիքի համար ժամանակ յատկացուցէք ուտելու,
հեռատեսիլ դիտելու, դուրսը խաղալու, երաժշտութիւն լսելու համար: Որքան աւելի շատ զուարճալի գործողութիւններ ունենաք երեխաներուն հետ, այնքան աւելի շատ դուք կը գիտնաք ձեր երեխաներու անհատականութեան բանալիները:
Մի՛ քննադատեցէք ձեր երեխան, նաեւ մի՛ համեմատէք ուրիշի հետ:
Երեխադ ինքնուրոյն մարդ մեծցուր, իրեն փոխարէն ամէն բան մի ըներ:
Ընկերութեան արժէքը, երեխաները պէտք է հասկնան ընկերներու կարեւորութիւնը: Մի սորվեցնէք ձեր
երեխային եսասիրութիւն ու գերակայութիւն, քանի որ ան այդպիսով կը կորսնցնէ իր ընկերները, եւ
ընկերային միջավայրը կը դառնայ նեղ եւ կ’ազդէ անոր հոգեկանին վրայ: