Ամերիկեան Էյ Այ Թի համալսարանէն մասնագէտներ կրցած են կարգ մը բոյսեր փոխել, որպէսզի անոնց տերեւները փայլին գիշերը:
Այս բոյսերը ստեղծելու համար մասնագէտները գործածած են այն նոյն մոլեքիւլը, որ լոյս կ՛արձակէ գիշերները կարգ մը միջատներու մարմնին մէջէն:
Անոնք բոյսերը մխրճած են մասամբ այն մոլեքիւլով պատրաստուած հեղուկի մը մէջ` զայն տերեւներուն մէջ անցնելու համար:
Առաջին փորձերուն ընթացքին անոնք կրցած են բոյս մը «վառ» պահել 45 վայրկեան: Այժմ անոնք կրնան այդ լոյսը 4 ժամ վառ պահել:
Բոյսերը տակաւին շատ զօրաւոր չեն փայլիր, սակայն մասնագէտները տաւկաւին կ՛աշխատին գտնելու համար միջոց մը`
զանոնք աւելի զօրաւոր եւ աւելի երկար ժամանակ փայլուն պահելու համար:
Այս գիւտին նպատակը՝ բոյսի լոյսին տակ կարդալ, կամ իրիկունը պտտիլ լոյս արձակող ծառերով լուսաւորուած քաղաքի մը մէջ:
Ապագային մասնագէտները կը փափաքին ելեկտրականութիւն սպառող բոլոր լոյսերը փոխարինել բոյսերով: