Հայաստանի Մէջ Քիչ Յայտնի Թռչուններ

Ծանօթանանք Հայաստանի մէջ բնակող ինչպէս չուող, այնպէս ալ ձմեռը այստեղ մնացող քիչ յայտնի

թռչուններու տեսակներուն:

 Ալկիոն

Ալկիոնները ունին 22 տեսակ, իսկ Հայաստանի մէջ կը հանդիպինք անոնց միայն մէկ  տեսակին, որ կը

կոչուի երկնագոյն ալկիոն: Թռչունը 27-38 կրամ է։ Թռչելէն բացի նաեւ կը սուզուի ջուրին մէջ: Կը սուլէ

ականջ ծակող ձայնով: Տարածուած է լճակներու, լիճերու, գետերու, ջրաւազաններու մէջ: Կը սնուի մանր

ձուկերով եւ ջրային անողնաշարաւորներով:

       Ալպիական ճայ

Ալպիական ճայը ագռաւներու ընտանիքին պատկանող թռչուն է: Նստակեաց է։ Կը  շրջի կայուն եւ

միասնական երամներով: Կը սաւառնի  մեծ բարձրութիւններով՝ ժայռագագաթներու շուրջ: Ունի սուր

ձայն: Կը սնուի անողնաշարաւորներով եւ հատապտուղներով: Բոյնը գաւաթաձեւ է: Գրանցուած է

ՀՀ Կարմիր գիրքի մէջ:

Ամուրիկ

Ամուրիկները նստակեաց թռչուններ են, կը շրջին երամներով: Աշնան եւ ձմրան այլ տեսակներու հետ

կը կազմեն մեծ երամներ: Կը բնակին անտառներու, այգիներու եւ պուրակներու մէջ: Կը սնուին

սերմերով: Բոյնը գաւաթաձեւ է՝ պատրաստուած չոր խոտաբոյսերէ, մամուռէ:

        Այգիի դրախտապան

Ժամանակի մեծ մասը կ’անցնէ գետնի վրայ, կը բնակի լեռնատափաստաններու մէջ: կը սնուի սերմերով , անողնաշարաւորներով: Գարնանային վերադարձը՝ Ապրիլի վերջէն մինչեւ Մայիսի սկիզբն է: Բոյնը

գաւաթաձեւ է, պատրաստուած չոր ցեղուններէ: Բոյն կը դնէ գետնին ՝թուփի կամ քարի տակ պահուած: Աշնանային չուն՝ Սեպտեմբերի վերջն է:

Անապատային խածկտիկ

Հազուագիւտ հանդիպող տեսակ է: Կ’ապրի կիսանապատային ու  նօսր բուսականութեամբ տարածքներու

մէջ եւ ձեռք բերած է միջավայրի գոյներուն զարմանալի նմանութիւն, որուն շնորհիւ անտեսանելի է գիշատիչներուն համար: Կը սնուի սերմերով, հատապտուղներով եւ անողնաշարաւորներով: Գրանցուած է

ՀՀ Կարմիր գիրքի մէջ:

Բզակտուց

Նստակեաց է, քիչ տարածուած: Քալելու ընթացքին կերը կը հաւաքէ կտուցին մէջ, յաճախ կը լողայ՝

գլուխը կիսասուզելով ջուրի մէջ: Կը բնակի գետերու, լիճերու ափերուն: Կը սնուի անողնաշարաւորներով:

Վերջին տարիներուն թուաքանակը խիստ նուազած է: Գրանցուած է ՀՀ Կարմիր գիրքի մէջ:

Գետային ջրածիծառ

Քիչ տարածուած թռչուն, կը բնակի ձկնաբուծական լճակներու, լիճերու մէջ: Կը սնուի ձուկերով: Ձուկ որսալու ժամանակ կը թռչի թեւերու դանդաղ թափահարումներով, գլուխը խոնարհած:

Դեղնագլուխ արքայիկ

Ձմերող թռչուն է, տարածուած է: Կ’արձակէ մէկ կամ մի քանի անգամ կրկնուող ձայներ: Մշտապէս կը

թռչկոտի ճիւղէ ճիւղ: Կը բնակի բարձրաբուն ծառերու վրայ,

այգիներու մէջ: Օգտակար է. կը ոչնչացնէ անտառի վնասատու միջատներու ձմերող տեսակները:

Մօրակտցար

Նստակեաց է, տարածուած: Կը հանդիպի մեծ երամներով: Վտանգի պահուն կը թռչի կարճ տարածութիւններ:

Կը բնակի լճակներու, լիճերու եւ ճահիճներու մէջ: Կը սնի ջրային եւ ցամաքային անողնաշարաւորներով:

Ներկարար

Տարածուած թռչուն է, թռիչքը ուղիղ է, կը խուսափի անտառներէն, սակայն կարելի է տեսնել լքուած

այգիներու մէջ: Կը սնուի խոշոր միջատներով եւ հատապտուղներով:

Նիւթը ՀԱՅԿԱՇԽԱՐՀ-ի համար պատրաստեց՝

Նարէ Մուրատեան