Ինչպէս գիտենք մենք հայերս սփռուած ենք աշխարհով մէկ եւ աշխարհի իւրաքանչիւր
անկիւնի մէջ հայերը կ’ապրին կը ստեղծագործեն ու կը դառնան տարբեր գիւտերու
հեղինակներ։ Հայկաշխարհը այսօր անդրադարձած է այն գիւտերուն, որոնց հեղինակները
հայեր են եւ ովքեր իրենց գիւտերով աշխարհը դարձուցած են աւելի հետաքրքրական եւ յարմարաւէտ:
- Վարազդատ Քազանճեանը 1914 թուականին, առաջին գեղագիտական վիրահատութիւնը կատարած ամերիկահայ վիրաբոյժն է:
- Միքայէլ Տէր-Պօղոսեան 1977 թուականին, ստեղծած է համակարգիչի միջոցով մարդու մարմնի պատկերը վերարտադրող սարք:
- 1913 թուականին, Արմէն Տալաքրանեան ԱՄՆ-ի մէջ արտօնագիր կը ստանայ գորգագործութեան ինքնաշխատ գործիքի ստեղծման համար:
- Արթուր Սաֆարեան. Մեքենաներու ինքնաշխատ փոխանցման տուփի հեղինակ:
- Քրիստափոր Տէր-Սերոբեան. ստեղծած է ամերիկեան տոլարի կանաչ գոյնը, զոր հնարաւոր չէ կեղծել:
- Էրիկ Աւագեան, ի ծնէ ունենալով հաշմանդամութիւն,ստեղծած է ձեռքով կառավարուող հաշմանդամական սայլակը:
- Լիւտեր Ճորճ Սիմիջեան ստեղծած է առաջին դրամատնային գործիքը:
- Ալեքսանդր Մանուկեան կը համարուի պաղպաղակի գոնի գիւտարար:
- Արտաշէս Հայկանեան ստեղծած է առաջին կերպընկալ շիշերը, Քոքա Քոլա-ի շիշերու արտադրութեան մեքենան եւ մեքենաներու ապակիներու մաքրիչները:
- Գաբրիէլ Ղազանճեան ստեղծած է մազերը չորցնող սարքը:
- Յովհաննէս Ադամեան. ելեկտրիկ-ճարտարագէտ, գունաւոր հեռուստացոյցի գիւտի հեղինակ:
- Ռոզա եւ Սարգիս Կոլոմբոսեանները հիմնած են մածունի առաջին արտադրամասը ԱՄՆ-ի մէջ:
Նիւթը Հայկաշխարհի համար պատրաստեց՝
Նարէ Մուրատեան
