Իտալիոյ Լեչչէ գաւառին մէջ գեղատեսիլ Նարտօ քաղաքը կայ, ուր կ՝ապրի մօտ 31 հազար մարդ։
Քաղաքը գլխաւորաբար իտալաբնակ է, սակայն քաղաքի պահապանը Գրիգոր Լուսաւորիչն է։
Իտալական Նարտօ քաղաքի գլխաւոր տաճարին վրայ տեղադրուած է առաջին Ամենայն հայոց
կաթողիկոս Գրիգոր Լուսաւորիչի արձանը։
Գրիգոր Լուսաւորիչը կը համարուի այդ քաղաքին պահապանը։
Առասպելին համաձայն` Սուրբ Գրիգորի մասունքին մէկ մասը Նարտօ բերած են հայ վանականները,
որոնք փախած են բիւզանդական կայսր Կոնստանթին Ե. Կոպրոնիմի ճնշումներէն, 8-րդ դարուն։
Սուրբին ձախ ձեռքը կը գտնուի տեղի տաճարին մէջ (աջը կը պահուի Հայաստանի մէջ` Էջմիածին)։
1743 թուականի Փետրուար 20–ին, Նարտօ քաղաքին մէջ տեղի ունեցած է աւերիչ երկրաշարժ մը, որ
քանդած է գրեթէ ողջ քաղաքը։ Փրկուած է միայն Սուրբ Գրիգոր Լուսաւորիչի արձանը։ Տարերքին
պատճառով՝ 10 հազարնոց քաղաքէն մահացած է մօտ 350 մարդ։ Աւանդոյթին համաձայն`
քաղաքացիները փրկուած են արձանի հրաշագործ ուժին շնորհիւ։
Այսպիսով` Նարտօ քաղաքի բնակիչները կը հաւատան, որ սուրբ Գրիգոր Լուսաւորիչը փրկած է
քաղաքը։
Իբրեւ երախտագիտութիւն` անոնք հայերու Լուսաւորիչը դարձուցած են իրենց քաղաքի գլխաւոր
պահապանը։
Ամէն տարի, Փետրուար 20–23, Նարտօ քաղաքի բնակիչները քաղաքի Պահապանի պատուին
տօնակատարութիւն կը կազմակերպեն։
Գրիգոր Լուսաւորիչի արձանը` իտալական Նարտօ քաղաքին մէջ
Սուրբ Խաչ Հայոց եկեղեցին՝ Վենետիկի մէջ, Եւրոպայի ամենահին գործող հայկական եկեղեցին
աղբիւր ՝ armeniasputnik.am
