2001 թուականի Յունուար 23-ին, Հայաստանի Հանրապետութեան Նախագահ, Զինուած ուժերու
գլխաւոր հրամանատար Ռոպերթ Քոչարեանը հաստատեց ՀՀ զինուած ուժերու զինանշանը:
Զինանշանի կեդրոնին պատկերուած է թեւատարած արծիւ` գուլխով դէպի աջ շրջուած, արծիւի
իւրաքանչիւր թեւը բաղկացած է եօթական փետուրէ (7 թիւը կը խորհրդանշէ շաբթուան օրերու թիւը,
որ արծիւի գլխու հետ կը հասկցուի նաեւ պատմական Հայաստանի 15 նահանգները): Արծիւը կը
խորհրդանշէ ուժ, հզօրութիւն, խորաթափանցութիւն, սլացք, կամք: Այդ բոլորը կը բնութագրեն
երկրի պահապան բանակը:
Արծիւի գլուխը պատկերուած է արեւի կլոր սկաւառակի վրայ, որ կը նշանակէ քանի դեռ կայ արեւը,
կ’ըլլայ նաեւ Հայաստանն ու Հայոց զինուած ուժերը:
Արեւի ճառագայթներու վրայ, արծիւի թեւերու բացուածքին մէջ պատկերուած է Հայաստանի պետական խորհրդանիշ եռագոյն դրօշակը, որ կը հաւաստիացնէ, որ Հայաստանի զինուած ուժերը կը գտնուին
պետութեան հովանիի ներքոյ: Արծիւի մարմինը կը կազմէ հայկական կլոր վահանը` իրականացուած ծիրանագոյնի մութ ու բաց երանգներով: Վահանը կը խորհրդանշէ, որ զինուած ուժերը երկրի գոյութեան պատուարն ու պահապանն են:
Վահանի մէջ պատկերուած է հաւասարաթեւ խաչ, որ մեր քրիստոնէական ժառանգորդութեան ու
հաւատի առհաւատչեան է:
Զինանշանային վերջին տարրը սուրն է, որ կը խորհրդանշէ միշտ արթուն վիճակի եւ յանուն հայրենեաց պատրաստ է իջնելու թշնամիի գլխուն:
Հայոց բանակի օրը կը նշուի Յունուար 28-ին։
աղբիւր՝ dasaran.am