1.Հուսէյն-Ալի-խանի կամ Մեչիտի (Մզկիթի) հրապարակը, որ գտնուած է Կապոյտ մզկիթի քով:
Ան եղած է ամենաբարեկարգ հրապարակը եւ բոլոր կողմերէն շրջապատուած եղած է խանութներու
շարքով, որ յայտնի էր նաեւ փակ կամ ծածկուած անունով:
2.Խանբաղի հրապարակը, որ Ռուսական տիրապետութեան շրջանին, բնակեցուեցաւ Պարսկաստանէն
1828 թուականին ներգաղթած հայերով, որոնք տուներ կառուցեցին նաեւ հրապարակի տարածքին,
այդպիսով հրապարակը դադրեցաւ գոյութիւն ունենալէն:
3.Զալ-խանի հրապարակը:
4.Ֆահլա-պազար, որ գտնուած է ներկայիս Ամիրեան փողոցի վրայ գտնուող Ե.Չարենցի անուան դպրոցի
յարակից տարածքին մէջ:
5.Մէյտանը, որ հանդիսացած է քաղաքի գլխաւոր շուկայ-հրապարակը: Ան տեղակայուած էր Երեւանի
բերդի, Կոնդի եւ Շահարի միջեւ եւ միւս հրապարակներու համեմատ եղած է ամենաընդարձակը: Ան կը
գտնուէր Երեւանի ներկայիս Մանկական այգիի տարածքին։
6. Նոր հրապարակը, որ ձեւաւորուեցաւ արդէն 1850-1860-ական թուականներուն: