Զօրավար Անդրանիկ՝ Անդրանիկ Օզանեան, ծնած է 1865 թ. Շապին-Գարահիսար,
արհեստաւոր ընտանիքի մէջ:
Ուսումը ստացած է ծննդավայրի Մուշեղեան վարժարանին մէջ:
1884ին փոխադրուած է Կ.Պոլիս եւ աշխատած որպէս հիւսն:
1890ին դարձած է հայդուկային ղեկավար:
1894-96 տարիներուն Սասունի մէջ կռուած է թրքական զինուորներու դէմ:
1901ին ժողովրդական հերոսի համբաւ վաստակած է Մշոյ Առաքելոց վանքի պաշտպանութեան
մարտերու մէջ:
1902-1904 կռիւներ մղած է Տարօնի, Սասունի եւ Վասպուրականի մէջ:
1905-1914 Ապրած է Պիւլկարիա: Եղած է Թիֆլիսի մէջ, հանդիպում ունեցած է հայ գործիչներու հետ,
գտնուած է Շուէտ, Անգլիա եւ Ֆրանսա զէնք ու զինամթերք հայթայթելու հայկական հայդուկային
խումբերու համար:
1912-1914 Պուլկարիոյ մէջ, հայկական կամաւորական զօրամասի կազմին մէջ որպէս վաշտապետ,
մասնակցած է Պալքանեան պատերազմին:
1914ին գտնուած է Թիֆլիս, նշանակուած է հայկական կամաւորական ջոկատի հրամանատար:
Ջոկատը աչքի ինկած է Աշնակի, Սարայի, Մոլլա Հասանի, Բարդուղիմէոսի վանքի, Բաշկալէի,
Հայոց ձորի, Աղթամարի, Կարճըկանի, Դատվանի, Մուշի, Վարդենիսի, Արճեշի, Բերկրի-Կալէի եւ
յատկապէս Դիլմանի ճակատամարտերուն:
Փետրուարին նշանակուած է Էրզրումի պաշտպանութեան ղեկավար:
Ապրիլին նշանակուած է հայկական առանձին հարուածային զօրամասի հրամանատար: Պաշտպանական
կռիւներ մղելով՝ նահանջած է Սարիղամիշ-Կարս Ալեքսանդրապոլ ուղղութեամբ, ապահովելով հազարաւոր արեւմտահայերու գաղթը դէպի Արեւելեան Հայաստան:
Յունուարին հասած է Նախիջեւան, ան յայտարարած է Խորհրդային Հայաստանի անբաժանելի մասը:
1922-27 ապրած է Ա.Մ.Ն.-ի Ֆրէզնօ քաղաքին մէջ:
1927 Օգոստոսի 31-ին մահացած է Ֆրէզնոյի մէջ:
1928 աճիւնը փոխադրուած է Փարիզ եւ ամփոփուած է Պեր-Լաշեզ գերեզմանատունը:
Զօրավար Անդրանիկի աճիւնը 2002 թ. Փետրուարին հողին յանձնուեցաւ Եռաբլուրի մէջ:
