Հոնկ Քոնկի համալսարանը կրցած է կազմել աշխարհի առաջին քարտէսը, որ կը բացատրէ,
թէ ո՛ւր կ՛ապրին մրջիւնները: Այս քարտէսին կազմութեան նպատակն է աւելի մօտէն ծանօթանալ
միջատներուն կեանքին:
Քարտէսը կարօտած է չորս տարուան աշխատանքի: Այս քարտէսը ցոյց կու տայ մրջիւններու
գոյութիւն ունեցող 15 հազար տարբեր տեսակներուն աշխարհին մէջ բնակութեան վայրերը:
Այս ձեւով քարտէսը մեզի շատ կարեւոր տեղեկութիւններ կու տայ այս միջատներու կեանքին
մասին եւ կարելիութիւնը կու տայ զանոնք աւելի լաւ պահպանելու:
Այս քարտէսին շնորհիւ կը տեղեկանանք, թէ Աւստրալիոյ արեւելքը գտնուող Քուինզլենտ
նահանգին մէջ արդէն գոյութիւն ունին մրջիւններու 1400 տարբեր տեսակներ:
Ժամանակի ընթացքին այս քարտէսը պիտի այժմէականացուի, երբ նոր տեսակներ գտնուին:
Ըստ համալսարանի մասնագէտներուն, գրեթէ ամէն շաբաթ մրջիւններու նոր տեսակներ կը
գտնուին եւ կ՛ուսումնասիրուին:
