Աւստրիացի գրող: Ծնած է 1890 թուականի Սեպտեմբեր 10-ին, Պրահա։ Ի սկզբանէ մերժած է
բռնութիւնը եւ պայքարած անոր դէմ:
Դեռ վաղ երիտասարդութեան տարիներուն՝ 1912-ին աւստրիական բանակին մէջ ծառայութեան
ժամանակ ելոյթներ ունեցած է երկրին մէջ տիրող ռազմամոլական մթնոլորտին դէմ եւ այդ
պատճառով բանտարկուած:
Մասնակցած է համաշխարհային առաջին պատերազմին, ապա՝ յեղափոխական շարժման:
Այնուհետեւ նուիրուած է գրականութեան: 1938-ին՝ Ֆաշիստական Գերմանիոյ կողմէն Աւստրիայի
բռնկումէն յետոյ անցած է Իտալիա, Ֆրանսա, յետոյ Ամերիկա: Գրական գործունէութիւնը սկսած է,
որպէս բանաստեղծ, հրատարակած է քանի մը ժողովածու:
Գրած է նաեւ վէպեր, դրամատիկական ստեղծագործութիւններ: Անոր «Մուսա Լերան Քառասուն Օրերը»
վէպը լոյս տեսած է 1933-ին:
Նուիրուած է Մուսա լերան հերոսամարտին: Վէպը գրելու ժամանակ ան օգտուած է ականատեսի վկայութիւններէն, մամուլի հրապարակումներէն,
Վիեննայի Մխիթարեան Միաբանութեան մէջ ուսումնասիրած հայ ժողովուրդի պատմութենէն եւ կրօնէն:
«Մուսա լերան Քառասուն օրերը» վէպը 1934-ին արժանացած է տարուան լաւագոյն վէպի միջազգային մրցանակին: Վէպը հրատարակուած է աւելի քան քսան լեզուներով:
Վերֆէլ յանկարծամահ եղած է 1945 թուականի Օգոստոս 26-ին՝ ԱՄՆ-ի մէջ։
Յետագային անոր աճիւնը երախտագէտ խումբ մը հայերու կողմէն փոխադրուած է Վիեննա եւ այնտեղ յանձնուած հողին։
Աւստրիոյ հայ համայնքի ջանքերով 1998 թուականին, Վիեննայի կեդրոնին մէջ
կանգնեցուած է աւստրիացի գրող, հայ ժողովուրդի բարեկամ՝ Ֆրանց Վերֆէլի յուշարձանը։
