13
Nov
Արցախցի Երիտասարդ Դաշնակահարուհին Միջազգային Մրցոյթ-փառատօնին Արժանացած է «Կրան-փրի» Մրցանակի
Ստեփանակերտցի երիտասարդ դաշնակահարուհի Անահիտ Առուշանեան Հոկտեմբեր 22-ին մասնակցած է Քանարեան կղզիներու մէջ տեղի ունեցած սպանական ամենամեայ միջազգային «Stars at Tenerife» մրցոյթ-փառատօնին եւ արժանացած «Կրան-փրի» մրցանակի: Փառատօնին կը մասնակցէին 26 երկիրներու ներկայացուցիչներ։
Առուշանեան բացի «Կրան-փրի» մրցանակէն, ստացած է նաեւ երկու այլ մրցոյթ-փառատօններու մասնակցութեան հրաւէր: Առաջինը տեղի պիտի ունենայ Յունուար 3-7 Ռուսիոյ Ս․Փեթերզպուրկ քաղաքին մէջ, ուր պիտի կայանայ հանրայայտ ռուս դաշնակահար Սաւշինսքիի անուան միջազգային մրցոյթ-փառատօնը, իսկ երկրորդը` Ապրիլին, Գերմանիոյ Պատեն-Ոււրթեմպըրկ երկրամասին մէջ: