01
Dec
Հայոց Հացին եւ Լաւաշին Նուիրուած Ձեռնարկ Ախալքալաքի Մէջ
Ախալքալաքի շրջանային վարչութեան Ապագայի տան մէջ, Նոյեմբեր 29-ին, կազմակերպուած էր Հայոց Հացին եւ Լաւաշին նուիրուած ձեռնարկ:
Ձեռնարկին ընթացքին կատարուեցան Հայոց լաւաշին նուիրուած գեղեցիկ բանաստեղծական ստեղծագործութիւններ ու երգեր:
Ախալքալաքի եւ մօտակայ գիւղերու հոգեւոր հովիւ Արժանապատիւ Տէր Տաթեւը, օրհնութեան իր խօսքին մէջ գոհունակութիւն յայտնեց Ապագայի տան ողջ անձնակազմին ու տաղանդաշատ սաներուն` գեղեցիկ ու իւրայատուկ ձեռնարկին համար: Արժանապատիւ Տէր Հայրը նաեւ յիշեցուց, որ Հացի սրբութիւնը աւելի շատ կ՝երեւի եկեղեցական Սրբազան ծիսակարգերուն մէջ` Սուրբ Հաղորդութեան պարագայով։ Տէր Հայրը յորդորեց բոլորը՝ մշտապէս ներկայ ըլլալու Սուրբ Պատարագի խորհուրդին:
Սամցխէ-Ջաւախքի եւ Ծալկայի ընդհանուր առաջնորդական փոխանորդութեան մամլոյ դիւան