Տօնդ Շնորհաւոր ՀԱՅԿԱՇԽԱՐՀ. Քալիֆորնիոյ «Արի Կիրակոս Մինասեան» Վարժարանի Աշակերտներ

ՀԱՅԿԱՇԽԱՐՀ-ի ամենաեռանդուն ընթերցողները Քալիֆմրնիոյ «Արի Կիրակոս Մինասեան» վարժարանի աշակերտներն են, անոնք իրենց ուսուցչուհի Թալին Արդինեանի հետ կայքի հիմնադրութեան առաջին տարեդարձի առիթով շնորհաւորանքի խօսք յղած են ՀԱՅԿԱՇԽԱՐՀ-ԻՆ եւ մեզի հետ կիսած իրենց տպաւորութիւնները։

Ողջո’յն ՀԱՅԿԱՇԽԱՐՀ,

Այսօր հիմնադրութեանդ առաջին տարեդարձն է, տօնդ շնորհաւոր, դուն ծնունդ առիր հայկաշխարհ, որ մեր մանկական աշխարհը դարձնես աւելի գեղեցիկ , գունաւոր եւ գիտելքներով լի: Բարի Տարեդարձ։

Ահա թէ ինչո՞ւ աշակերտները շատ կը սիրեն ՀԱՅԿԱՇԽԱՐՀ-ը, իւրաքանչիւրը ունի իր նախասիրութիւնը

-ՀԱՅԿԱՇԽԱՐՀ-էն շատ բաներ կը սորվիմ, սիրած երգս « Հայրենի Տուն» երգն է

-ՀԱՅԿԱՇԽԱՐՀ այցելելով Հայաստան երկիրս աչուկներով կը տեսնեմ:

-ՀԱՅԿԱՇԽԱՐՀ-ով Մասիս սարս կը տեսնեմ :

-Ես հայ եմ, եւ ՀԱՅԿԱՇԽԱՐՀ-էն հայերէն երգեր կը լսեմ, սիրածս երգն է՝ «Ուս ուսի,  ձեռք ձեռքի, մենակ չեմ ես, դուն ինձ հետ, հայ ենք մենք»։

-Որովհեւեւ կայքը հայերէն է,  ՀԱՅԿԱՇԽԱՐՀ կարդալով կրնամ հայախօս մնալ:

-Որովհետեւ  ՀԱՅԿԱՇԽԱՐՀ-էն բոլոր տեղեկութիւնները կ‘իմանամ հայերէն եւ ոչ թէ անգլերէն:

-ՀԱՅԿԱՇԽԱՐՀ այցելելով աւելի խելացի կը դառնամ, աւելի լաւ հայերէն գրել, կարդալ եւ խօսիլ կը սորվիմ:

-ՀԱՅԿԱՇԽԱՐՀ-էն կը ծանօթանամ  հայոց պատմութեան։:

-ՀԱՅԿԱՇԽԱՐՀ-էն ամէն օր նոր բան կը կարդամ:

-ՀԱՅԿԱՇԽԱՐՀ-էն Լաւաշի պատմութիւնը սիրեցի , գիտէք ես ալ քաջ եմ մեր թագաւորներուն պէս…

Բարի Տարեդարձ ՀԱՅԿԱՇԽԱՐՀ

Մենք անհամբեր կը սպասենք նորութիւններուդ, միշտ կ’ուզենք նոր գիտելիքներ իմանալ:

Յաջողութիւն

Սիրով՝

Քալիֆորնիոյ «Արի Կիրակոս Մինասեան» Վարժարանի

Մանկապարտէզի, առաջին, 2-րդ եւ 3-րդ կարգերու աշակերտներ