«Հայաստանի ՄԷջ Աւելի Լաւ Ու Հանգիստ Կը Զգամ». Սէրլի Շահիջանեան
12-ամեայ Սէրլի Շահիջանեանը ծնած է Երեւան, բայց անոր ծնողներն ու աւագ քոյրը հայրենիք տեղափոխուած են Իրանէն: Սէրլին յաճախ այցելած է Իրան, բայց չէ յարմարած.« Հայաստանի մէջ աւելի լաւ ու հանգիստ կը զգամ»:
Ան կը յաճախէ Երեւանի Եւրոպական եւրոպական դպրոց, 6-րդ դասարան է. «Առարկաներէն կը նախընտրեմ մայրենին, իսկ մաթեմատիկան այդքան ալ չեմ սիրեր» նշեց Սէրլին:
Հակառակ ամչկոտ ու քչախօս ըլլալուն շատ ընկերներ ունի ե՛ւ, սփիւռքահայ ե՛ւ տեղացի:
Մասնագիտութեան հարցով դեռ չէ կողմնորոշուած, բայց աւելի շատ ձեւաւորողի աշխատանքը կը սիրէ:
Սէրլին երազանք մը եւս ունի, կը ցանկայ կիթառ նուագել սորվիլ:
Կը սիրէ Երեւանը` իր ծննդավայրը. «Այստեղ ծնած եմ, այստեղ կը մեծնամ ու ինծի համար շատ հարազատ է Երեւանը»:
«Չեմ զգացած, որ դպրոցին մէջ տարբերութիւն կը դնեն իմ աղջկաս եւ միւսներուն միջեւ, ճիշդ է իրենց դասարանը շատ սփիւռքահայեր կան, բայց ուսուցիչներուն կողմէ կողմնակալութիւն չեմ զգացած». աւելցուց Սէրլիի մայրիկը:
Նիւթը ՀԱՅԿԱՇԽԱՐՀ-ի համար պատրաստեց
Արփի Պետրոսեան