18
Apr
Այնճարի «Յառաջ-Գ. Կիւլպէնկեան»-ի Աշակերտները Ներկայացուցին «Մեր Տունը» Թատերախաղը
Ապրիլ 5-ին Ազգային «Յառաջ-Գ. Կիւլպէնկեան» քոլեճի ԺԱ. դասարանի նախաձեռնութեամբ ու մասնակցութեամբ Ժ. դասարանին, ժողովուրդին ներկայացուեցաւ «Մեր տունը» զաւեշտախառն թատերական ներկայացումը` հեղինակութեամբ ու բեմադրութեամբ վարժարանի հայ գրականութեան դասատու Սալբի Քիւրքճեան-Թաշճեանի:
Ներկայացումը պատմութիւնն է համեստ պայմաններու մէջ ապրող մուսալեռցի ընտանիքի մը, որ եկած ու հաստատուած է Այնճար: Պապուկը, իր զաւակն ու հարսը, թոռնիկները` իւրաքանչիւրը իր նկարագիրով ու խառնուածքով, սրամտութեամբ ու լրջութեամբ կ՛ուրուագծէ կեանքի պատկեր մը։
