Հայ Շախմատիստները «Աշխարհի Պատանի Աստղեր» Մրցաշարքի Առաջիններէն են

Ռուսիոյ Գիրիշի քաղաքին մէջ կը շարունակուի «Աշխարհի պատանի աստղեր» միջազգային մրցաշարքը:

Հեղինակաւոր այս ստուգատեսին Հայաստանը ունի երեք պատուիրակ՝ գրոսմայսթըր Արամ Յակոբեան, միջազգային վարպետ Շանթ Սարգսեան եւ ՖԻԴԷ-ի վարպետ Մամիկոն Ղարիբեան:

8-րդ խաղէն ետք՝ Հայաստանի ներկայացուցիչներէն երկուքը առաջիններու շարքին են: Արամ Յակոբեան եւ Շանթ Սարգսեան ունին 5,5-ական նիշ:

Մրցաշարքը բաղկացած է 11 խաղէ եւ պիտի աւարտի Մայիս 26-ին:

Armenpress.am