25
Sep
Շարժայի Օհաննէսեան Ազգային Միօրեայ Վարժարանը Բացաւ Իր Դռները
Սեպտեմբեր 22-ին Շարժայի Օհաննէսեան Ազգային Միօրեայ Վարժարանի վերամուտի Առիթով Արաբական Միացեալ Էմիրութեանց եւ Քաթարի Հայոց Թեմի Կաթողիկոսական Փոխանորդ՝ Գերշ. Տ. Մեսրոպ Եպս. Սարգիսեան այցելեց վարժարան:
Սրբազան Հայրը շրջեցաւ դասարաններէն ներս եւ հանդիպում մը ունեցաւ տարբեր կարգի աշակերտներու հետ: Ան առաջին հերթին բարի վերամուտ մաղթեց բոլորին՝ շեշտելով շաբաթօրեայ վարժարանի անհրաժեշտութիւնը եւ աշակերտութեան առանց բացակայութեան ներկայութեան կարեւորութիւնը: Սրբազան Հայրը վերի կարգի աշակերտութեան հետ զրուցեց Հայաստանի Հանրապետութեան անկախութեան տօնակատարութեան մասին՝ որոշ տեղեկութիւններ փոխանցելով:
Այս առիթով սրբազան հայրը իր օրհնութիւնը տուաւ տեսչութեան, հոգաբարձութեան եւ ուսուցչական կազմին, բարի եւ յաջող տարի մը մաղթելով:
