03
Apr
15-ամեայ Գիւմրեցի Տաղանդաւոր Նկարիչը
Գիւմրիի տնակներէն մէկուն մէջ ապրող 15-ամեայ Յոբ Ղազարեան տաղանդաւոր նկարիչ է, անոր առաջին անհատական ցուցահանդէսին վաճառուեցան իր բոլոր նկարները։ Հակառակ անոր, որ Յոբ իրմէ փոքր վեց քոյր եղբայրներուն, ծնողներուն եւ երկու տատիկներուն հետ կ՚ապրի դժուար պայմաններու մէջ, ան թուղթին կը յանձնէ ամենագունեղ տեսարանները՝ ստեղծելով արեւոտ պատկերներ:
Յոբ երկու տարուայ ընթացքին նկարած է 50 նկար, որոնցմէ 30-ը վաճառուեցան ցուցահանդէսի բացման խօսքի ընթացքին, մի քանի րոպէ ետք ներկայ գտնուողները իրարու ձեռքէ խլեցին մնացած 20 նկարները։
