«Սէր». Քուէյթի Ազգային Վարժարանի Աշակերտներու Ստեղծագործական Մրցոյթ
ՀԱՅԿԱՇԽԱՐՀ-ի նախաձեռնութեամբ, Մայիս 26-ին կայացաւ ՀՀ Նախագահի Տիկնոջ՝ Նունէ Սարգսեանի հեռավար հանդիպումը, Քուէյթի Ազգային վարժարանի մանկավարժական կազմին հետ։
Հանդիպումը առիթ հանդիսացաւ, որ յիշեալ վարժարանի աշակերտներուն համար կազմակերպուի բանաստեղծական ստեղծագործական մրցոյթ՝ նպատակ ունենալով նպաստել արեւմտահայերէնի զօրացման ու զարգացման։
Մրցոյթի խորագիրն է «Սէր». Սէր՝ Հայրենիքի, ծննդավայրի, քաղաքի, բնութեան, ծնողներու, մեծերու, ընկերներու ….հանդէպ։
Մրցոյթի մեկնարկը կը տրուի այսօր՝ երեխաներու պաշտպանութեան օրուան առիթով։
Մրցոյթի վերջնաժամկէտը Սեպտեմբեր 1-ն է։
Յաղթողներու անունները պիտի յայտարարուին Սեպտեմբեր 21-ին։
Բանաստեղծութեան չափի սահմանափակում չկայ։
Մրցոյթի տարիքային բաժանումը պիտի ըլլայ ըստ դասարաններու՝
Ա. Խումբ առաջինէն 4-րդ դասարան
Բ. Խումբ 5-8-րդ դասարան
Գ.Խումբ 9-12-րդ դասարան
Ժիւրիի կազմը իւրաքանչիւր խումբէն պիտի ընտրէ երեք յաղթող, որոնք պիտի արժանանան տարբեր մրցանակներու։
Յաղթողներու բանաստեղծութիւնները պիտի հրապարակուին նախագահականի kids.president.am եւ ՀԱՅԿԱՇԽԱՐՀ www.armlands.com կայքերուն մէջ։
Կը խնդրուի բանաստեղծութիւնները ուղարկել editor@armlands.com ելեկտրոնային հասցէին։
