-Ընթերցումը կը զարգացնէ ձեր լեզուական կարողութիւնները, ինչ որ կարեւոր է ոչ միայն ձեր դպրոցական կեանքի ընթացքին, այլ նաեւ ապագային գործի ասպարէզի մէջ:
-Կարդալով` նոր բառերու կը հանդիպիք, եւ նոյնիսկ եթէ անոնց իմաստը չհասկնաք, կրնաք ընդհանուր նիւթէն հետեւցնել, եւ յաջորդ անգամ երբ հանդիպիք նոյն բառերուն, աւելի շուտ կ’ըմբռնէ՛ք անոնց իմաստը:
-Կարդալը միջոց մըն է ինքնազարգացման եւ տեղեկութիւն հաւաքելու համար:
-Կարդալը կը հարստացնէ ձեր կեանքը եւ նոր հորիզոններ կը բանայ ձեր առջեւ:
-Ընթերցելով գիտելիքներու մեծ պաշար կ’ունենաք:
-Կարդալը ձեր երեւակայութիւնը կը զօրացնէ եւ ձեր առջեւ կը բանայ հետաքրքրական աշխարհներ:
-Իսկ ամէնէն կարեւորը` կարդալը հաճելի ժամանաց մըն է: Եթէ կարենաք ամէն օր որոշ ժամանակ յատկացնել ընթերցումի, ժամանակի ընթացքին ընթերցելը սովորութեան կը վերածուի եւ դուք կ’ունենա՛ք անփոխարինելի ընկեր մը` գիրքը: Իսկ ինչո՞ւ անփոխարինելի, որովհետեւ ոեւէ ընկեր կրնայ հիւանդ ըլլալ` ճամբորդել, կամ որեւէ պատճառով ձեր մօտ չըլլալ, սակայն գիրքը ձեր տրամադրութեան տակ կը գտնուի երբ որ ուզէք եւ կրնաք անոր ընկերակցութեամբ երկար եւ հաճելի ժամեր անցնել:
Դուք ալ գիրք մը առէ՛ք եւ սկսեցէք ընթերցել, վստահ եղէք, որ ժամանակի ընթացքին պիտի վայելէք ձեր ընթերցասիրութեան բարիքները: