1.- Ինչպէ՞ս կը բուսնին մեր մազերը
Մեր մազերը ամէն ամիս մօտաւորապէս 1 սմ. կ՛երկարին հետեւաբար 12 սմ.` տարին: Իւրաքանչիւր
մազ կ՛ապրի 2-7 տարի եւ ապա կ՛իյնայ: Անոր տեղը ուրիշ մազ կը բուսնի:
2.- Ինչպէ՞ս օճառը կը մաքրէ:
Օճառը կազմուած է մանր մասնիկներէ` մոլեքիւլները կը սիրեն իւղը եւ հետեւաբար պիտի կառչին
աղտոտութեան: Անոնք կապուած են ուրիշ մոլեքիւլներու, որոնք կը կառչին ջուրին եւ կը մտնեն
մորթին եւ աղտոտութեան միջեւ: Ապա այս խառնուրդը կ՛երթայ, երբ մենք ջուր թափենք:
3.- Ինչպէ՞ս կը շինուի ապակին:
Ապակի շինելու համար կը գործածուի աւազ: Աւազը կը խառնուի կրահողի փոշիի (ժայռի տեսակ մը)
եւ քիմիական նիւթերու հետ, ապա կը տաքցուի մօտաւորապէս 1500 աստիճան: Ստացուած խմորը կը
դրուի կաղապարներու մէջ: Երբ պաղի, ան կը կարծրանայ: Կարելի է զայն գործածել որպէս ապակի:
4.- Ինչպէ՞ս կ՛երեւի երկինքը, երբ մենք լուսինին վրայ ենք:
Լուսինին վրայ երկինքը կապոյտ չէ, այլ` սեւ, որովհետեւ հոն արեւուն լոյսը բռնող մթնոլորտ չկայ:
Սակայն հոնկէ մենք կրնանք տեսնել երկրագունդը անոր կապոյտ ծովերով եւ ովկիանոսներով:
Կը տեսնենք նաեւ մութին մէջ փայլող միլիոնաւոր աստղեր:
աղբիւր՝ ԿԿու