Ու՞ր Կը Գտնուի Աշխարհի Ամէնէն Երկար Կամուրջը
Չինաստանի մէջ բացուեցաւ աշխարհի ամէնէն երկար եւ ամէնէն բարձր ապակիէ հետիոտներու յատուկ կամուրջը Յունան նահանգի Ժանկժիաժիի լեռներուն մէջ:
Ան իրարու կը միացնէ երկու ժայռալեռներ: Անոր երկարութիւնը կը հասնի 430 մեթրի, իսկ լայնքը` 6 մեթրի: Ան կախուած է երկինքէն դիտուած` ան կը նմանի հսկայական ճերմակ թիթեռնիկի:
Պարսիկները Սառնարաններ Հնարած Են Աւելի Քան 24000 Տարիներ Առաջ
Ք.Ա. 400 թուականներուն պարսիկ ճարտարագէտներ կրցած են շինել Եախշալ կոչուած հսկայական սառնարաններ, հոն կարելի է ամբարել սառ եւ հետեւաբար, ուտելիք ու պաղ ջուր ամբողջ տարուան ընթացքին:
Ձմրան սառը կը բերուէր մօտակայ լեռներէն:
Եախշալները ունէին կորընթարդ ձեւ, կէս թաղուած` հողին մէջ եւ շինուած էին տաքին տոկացող նիւթերէ։ Հարիւրաւոր տարիներ առաջ շինուած բազմաթիւ եախշալներ տակաւին կանգուն կը մնան մինչեւ այսօր:
Պրազիլի Մէջ Բանտարկութեան Ժամանակը կը նուազի ընթերցանութեան միջոցով
2009 թուականին, Պրազիլի բանտերու հարցերով զբաղող պետական յանձնախումբը սկսած է գործադրել իւրայատուկ ծրագիր մը: Ըստ այդ որոշումին, բանտարկեալները կարելիութիւն ունին իրենց բանտարկութեան օրերը 4 օրով նուազեցնել ամէն անգամ, երբ անոնք գիրք մը կարդան տարեկան մինչեւ 48 օրուան նուազեցումի սահմաններուն մէջ:
Գիրք կարդալէն ետք բանտարկեալը պէտք է գրաւոր ներկայացնէ գիրքը, որ կ’արժեւորուի յանձնախումբի մը կողմէն: Այս օրէնքի նպատակն է պարզիլական բանտերուն մէջի անգրագիտութեան շատ բարձր համեմատութիւնները նուազեցնել եւ օգնել բանտարկեալներուն` ազատ արձակուելէ ետք աւելի դիւրութեամբ բնական կեանքի վերադառնալու:
աղբիւրը ԿԿՈՒ (Հալէպ)
