Արեւմտեան Եւրոպայի գրեթէ կեդրոնին գտնուող Զուիցերիա պետութիւնը կը համարուի աշխարհամասի ամենագեղեցիկ երկիրը:
Մայրաքաղաքն է Պեռն
դրօշակը 
Զուիցերիոյ աշխարհագրական դիրքը հնարաւորութիւն կու տայ, որ Գերմանիոյ մէջ նախաճաշել, Փարիզի մէջ ճաշել եւ Միլանի մէջ ընթրել:
Զուիցերիոյ մէջ կայ 4 պետական լեզու. գերմաներէն, ֆրանսերէն, իտալերէն եւ ռոմանշերէն: Ռոմանշերէնը կարելի է լսել միայն հեռատեսիլով, անոնց կը տրամադրեն օրական մէկ ժամ հաղորդման համար: Զուիցերացիներէն շատեր կը տիրապետեն երկու-երեք օտար լեզուի:
Երկրի տարածքի մեծ մասը կը զբաղեցնեն լեռները, որոնք մաս կը կազմեն Ալպեան համակարգին: Ամենաբարձր կէտը Տիւֆուր լեռնագագաթն է (4634 մ): Լեռներու լանջերը ծածկուած են ձիւնով, գագաթները՝ յաւէրժական սառոյցով: Երկրի տարածքով 375 քմ երկարութեամբ կը հոսի Հռենոսը` Արէ վտակով։
Զուիցերիոյ բնակչութեան մեծ մասը իտալացիներ են (287.հազ), գերմանացիները (263հազ.), փորթուկալացիները (213հազ.), սերպերը (122հազ.), ֆրանսացիները (96հազ.): Այնտեղ կ’ապրին նաեւ ռուսեր, ուքրանացիներ, պելառուսեր։
Բազմաթիւ վիհերն ու կիրճերը, շառաչող գետակներն ու ջրվէժները, անտառները, մերձալպեան եւ ալպեան մարգագետինները շատ բնորոշ են Զուիցերիոյ բնութեան: Բնական այդ պայմաններու շնորհիւ է, որ Զուիցերիան ճանչցուած է աշխարհի լաւագոյն հանգստավայրերէն մէկը: Զբօսաշրջութիւնը եւ անոր հետ կապուած սպասարկման ոլորտը հսկայական եկամուտ կը բերեն երկրին:
Զուիցերիան, որպէս ինքնուրոյն պետութիւն, սկսած է ձեւաւորուիլ 1291 թ-ին։:
1815 թ-ին Զուիցերիոյ մէջ օրէնք ընդունուած է երկրի մշտական չէզոքութեան մասին: Աւելի քան 180 տարի է, որ երկիրը չի մասնակցիր պատերազմի, չունի նաեւ մշտական բանակ: Տեւական խաղաղութիւնը նպաստած է տնտեսութեան զարգացման:
Մեծ քաղաքներն են Պեռնը, Սիւրիխը, Ժնեւը, Պազէլը, Լօզանը:
Զուիցերիոյ մէջ ծխողներու թիւը շատ է, այդ իսկ պատճառով զայն կ’անուանեն «Եւրոպայի մոխրաման»:
Զուիցերիոյ իւրաքանչիւր քաղաքի բնակչութիւնը չի գերազանցեր նոյնիսկ կէս միլիոնը:
Քաղաքացիութիւն կրնան ստանալ միայն այդ երկրի մէջ 12 տարի ապրելէն ետք:
Զուիցերիան Եւրոպայի եւ ամբողջ աշխարհի դրամատուներու կեդրոնն է: Աւանդներու գաղտնիութեան երաշխիքը եւ չէզոք երկրի կարգավիճակը դէպի Զուիցերիայի դրամատուները կը գրաւեն բազմաթիւ երկրներու դրամական կարողութիւնը: Այստեղ կը գործեն բազմաթիւ ազգային ու միջազգային դրամատուներ։
Զէնք ունենալ եւ զինուորական ծառայութիւն կրնան կատարել միայն քաղաքացիները:
Զուիցերիոյ մէջ խանութները կը փակուին երեկոյեան ժամը 7-ին, իսկ Կիրակի օրերուն չեն աշխատիր: Միայն հինգշաբթի օրերուն խանութները կ’աշխատին մինչեւ երեկոյեան ժամը 9-ը, իսկ փոքրիկ կրպակները կ’աշխատին իրենց ուզած ժամերուն:
Զուիցերական ժամացոյցները յայտնի են ամբողջ աշխարհի մէջ, աշխարհի ժամացոյցներու 1/3-ը կ’արտադրուի Զուիցերիոյ մէջ
Հայերը Զուիցերիոյ մէջ
17-18-րդ դարերուն Զուիցերիա եկած առաջին հայերը առեւտրականներ էին, 19-րդ դարու կէսէն` նաեւ սորվելու եկած են հայ երիտասարդներ: Ժնեւի, Լօզանի, Պազէլի համալսարաններու մէջ ուսանած են հայ գրողներ Ռուբէն Սեւակը, Աւետիք Իսահակեանը, Դերենիկ Տէմիրճեանը:
1920-ական թուականներուն Զուիցերիայի հայ համայնքի թիւը աւելցած է Թուրքիայէն բռնագաղթած հայերու, իսկ 1960–70-ական թուականներուն այնտեղ տեղափոխուած են հայեր Լիբանանէն եւ Իրանէն:
Հայերը կը բնակին բացառապէս քաղաքներու մէջ՝ Ժնեւ, Սիւրիխ, Պազէլ, Լօզան, կ’աշխատին արդիւնաբերութեան, դրամատնային գործի, գիտութեան, առեւտուրի բնագաւառներէն ներս: Ներկայիս Զուիցերիայի մէջ կը բնակի մօտ 3000 հայ:
Շուիցերահայերու ազգային կեանքի կեդրոնը Ժնեւն է: Այնտեղ կը գտնուի Զուիցերիոյ հայոց միութեան վարչութիւնը, Հայ առաքելական եկեղեցւոյ Զուիցերիոյ թեմի առաջնորդանիստ Սուրբ Յակոբ եկեղեցին, որուն կից կը գործեն կիրակնօրեայ դպրոց, Հայ տիկնանց միութիւնը, Երիտասարդութեան ակումբը, մշակութային խումբեր։ Զուիցերիոյ մէջ հրատարակուած են 10 անուն հայերէն պարբերականներ: Ժնեւի համալսարանի մէջ կը գործէ հայագիտութեան ամպիոն:
Թուրքիոյ մէջ 1894–96 թթ-ի հայերու կոտորածներէն ետք Զուիցերիոյ հասարակական շրջանները պահանջած են դատապարտել հայերու կոտորածները եւ զայն որակել իբրեւ ոճրագործութիւն մարդկութեան դէմ:
