Սոնա Պօղոսեան Ծանրամարտի Մ20 Տարեկաններու Եւրոպայի Ախոյեան

Ալպանիոյ Տուրես քաղաքին մէջ ընթացող ծանրամարտի Մ20 տարեկաններու Եւրոպայի առաջնութեան 75 քկ քաշային կարգի մէջ Սոնա Պօղոսեան նուաճած է ախոյեանի կոչումը: Այս մասին կը տեղեկացնէ ՀԱՈԿ-ի պաշտօնական կայքը:

Երկամարտին հայ մարզիկը արձանագրած է 227 քկ արդիւնքը: Պօղոսեանը փոքր ոսկէ մետալներու արժանացած է նաեւ պոկում (97 քկ) ու հրում (130 քկ) վարժութիւններուն մէջ:

Վաղը պայքարի մէջ պիտի մտնեն Անդրանիկ Կարապետեանը (85 քկ), Կարուշ Ղուկասեանը (94 քկ) եւ Արփինէ Դալալեանը ( 90+ քկ):