08
Jan
Տիգրան Յարութիւնեան Դարձաւ Ճատրակի Պատանեկան Մրցաշարի Յաղթող
Տօնական օրերուն Արաբական Միացեալ Էմիրութիւններու Ալ-Այն քաղաքին մէջ կայացաւ պատանեկան մրցաշար, որուն իրաւունք ունէին մասնակցելու մինչեւ 20 տարեկան շախմատիստները:
Մրցաշարին կը մասնակցէին 11 երկրի 143 շախմատիստ, որոնց մէջ էին երկու կրանտմայսթըր եւ 6 միջազգային վարպետ: Առաջին անգամ իրականացուող պատանեկան մրցաշարի յաղթող դարձաւ Հայաստանը ներկայացնող միջազգային վարպետ Տիգրան Յարութիւնեանը, որ 9 հնարաւորէն վաստակեց 7.5 նիշ:
Մրցաշարին յաջող հանդէս եկան նաեւ Արթուր Դաւթեանը, Վահէ Դանիէլեանը եւ Յովհաննէս Յակոբեանը, որոնք վաստակեցին 7-ական նիշ եւ կիսեցին 3-10-րդ տեղերը, իսկ լրացուցիչ ցուցանիշներու հաշուարկէն ետք՝ զբաղցուցին համապատասխանաբար 6-րդ, 7-րդ եւ 9-րդ տեղերը:
Մեր 5-րդ ներկայացուցիչը` Սոնա Ասատրեանը, 6.5 նիշով դարձաւ 16-րդը: