Արեւմտահայերէնը Երեւանի Աւետիսեան Դպրոցի Բեմին
Արեւմտահայերէնը մեր ազգային հպարտութիւնն է, սփիւռքի լինելութեան հիմքը: Ահա թէ նաեւ ինչու Աւետիսեան դպրոցէն ներս ան միշտ եղած է ուշադրութեան կեդրոնին, իսկ սփիւռքահայ արուեստագէտ, արձակագիր, հիմա նաեւ մանկավարժ Յակոբ Միքայէլեանի՝ անոր ուսուցանումը ստանձնելէն ետք դպրոցի կամարներուն տակ աւելի ու աւելի յաճախ կը հնչեն արեւմտահայ խօսքն ու ասմունքը:
Լեփլեցուն դահլիճը քանիցս ծափերով դիմաւորած է արեւմտահայ անուանի գրողներ Յակոբ Պարոնեանի, Արփիար Արփիարեանի եւ այլոց ստեղծագործութիւններու բեմականացումները, որ իրենց արեւմտահայերէնի ուսուցչի ղեկավարութեամբ իրականացուցած են կրթօջախի աւագ դպրոցականները:
Օրերս դարձեալ արեւմտահայերէնն էր դպրոցի բեմին: Իր բովանդակալից ակնարկով արեւմտահայ եւ սփիւռքահայ գրականութեան փունջ մը ներկայացուց պրն Յ. Միքայէլեանը: Բանախօսի ելոյթը կ’ուղեկցուէր բարձր դասարաններու աշակերտներու ասմունքով, ասոյթներով:
Ցերեկոյթի աւարտին դպրոցականները ներկայացուցին մի քանի հատուած Յ. Պարոնեանի «Մեծապատիւ մուրացկաններ»-էն:
